Qoǵam • 16 Naýryz, 2020

Elorda ákimi Altaı Kólginovtiń koronavırýs boıynsha qala turǵyndaryna úndeýi

60 retkórsetildi

Elordada koronavırýs ınfeksııasynyń jappaı taralý qaýpiniń aldyn alý jumystary kúsheıtildi. Bul týraly elorda ákimdiginiń baspasóz qyzmeti habarlady.

Shuǵyl áreket etý shtaby jumys istep tur. Koronavırýs ınfeksııasy anyqtalǵan jaǵdaıda qalaı áreket etýdiń algorıtmi jasaldy. Infeksııa juqtyrǵany týraly kúdik bolǵan jaǵdaıda, emdelýshilerdi arnaıy stasıonar qabyldaıdy.

109 shuǵyl qyzmetine «koronavırýsqa qatysty suraqtar boıynsha keńester» atty qosymsha modýl engizdik. Medısına qyzmetkerleri jumysyna tyńǵylyqty daıyndalǵan, qajetti dári-dármek jetkilikti. Medısınalyq betperdelerdiń alǵashqy legi jetti. Taǵy da qosymsha ákelinedi.

Sanıtarlyq-dızınfeksııalyq rejımdi kúsheıtip, vokzaldarǵa, áýejaıǵa, saýda, oıyn-saýyq ortalyqtaryna, qonaq úılerge dezınfeksııa qurylǵylaryn ornatyp jatyrmyz. Menshik ıesine qaramastan bul jumystarǵa barlyq kásipkerdi atsalysýǵa shaqyramyn. Avtobýstardy dezınfeksııalaý jumystary sońǵy aıaldamalarǵa ornatylǵan avto jýý beketterinde júrgizilip jatyr. Bilim berý mekemeleri men adamdar kóp jınalatyn oryndar boıynsha da sharalar qolǵa alyndy. Mektep oqýshylary 16 naýryzdan bastap demalysqa shyǵyp, kolledj jáne JOO stýdentteri qashyqtyqtan oqý júıesine kóshedi. Qosymsha úıirmeler men kınoteatrlar jumys istemeıdi. Naýryz meıramyna arnalǵan is-sharalar ótkizilmeıdi.

Qala turǵyndary Densaýlyq saqtaý mınıstrligi usynǵan profılaktıkalyq sharalardy qoldanýy qajet. Qoldy sabyndap jıi jýý, antıseptıkter paıdalaný, qol alysýdan bas tartý, jeke bas gıgıenalyq zattardy ǵana paıdalaný, gadjetter men tehnıkalyq qurylǵylardy dezınfeksııalaý, tumaýdyń belgileri bar adamdarmen tyǵyz qatynastan bas tartý, taǵy basqalardy tártipke aınaldyrý kerek.

Turaqtandyrý qorynan qosymsha qarajat qarastyrylyp, áleýmettik mańyzy bar taýarlardyń baǵasyn turaqty ustap turý boıynsha jumystar júrgizilýde. Jobaǵa «Magnum», «Astyqjan», «Keńmart», «Small» jáne «Shapaǵat», «Evrazııa», «Artem», «Bıg Shanhaı» bazarlary qatysýda. Turaqtandyrý qorynan bólingen qarajat arqyly qala naýbaıhanalaryna qoldaý kórsetilip jatyr. Áleýmettik nan baǵasyn turaqty ustap turý úshin qosymsha un qory da jasaqtaldy. Azyq-túlik jetkilikti. Sondyqtan, baıbalam salýǵa negiz joq.

Koronavırýs ınfeksııasynyń keńinen taralýyna jol bermeý boıynsha jumystar memleket basshylyǵynyń baqylaýynda. Biz qoldan kelgenniń bárin jasaımyz. Eń bastysy azamattardyń ózderine baılanysty.

Qaýipsizdik sharalaryn qatań saqtaǵanda ǵana ózderińizdi jáne jaqyndaryńyzdy qorǵap qalasyzdar. Bul qıynshylyqty da birge jeńetinimizge senemin.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar