Aımaqtar • 16 Naýryz, 2020

Sozaqta túıe sany 11 myńnan asty

30 retkórsetildi

Túrkistan oblysy Sozaq aýdanynda túıe sharýashylyǵyn damytý isi jandanyp keledi. Qazirdiń ózinde aýdandaǵy túıe sany 11 myńnan asyp otyr. Aldaǵy ýaqytta sútti túıe sanyn 1600-ge arttyryp, sút kólemin 4 myń tonnaǵa jetkizý josparlanýda. Ol úshin óńirde arnaıy baǵdarlama túzilgen. Túrkistandaǵy «Colden Camel» zaýytymen birlesip jumys isteý baǵytynda aýdanda 4 qojalyqtyń qorasyna bir tonnalyq sút qabyldaý beketteri ornalastyryldy.

Oblys ákimi О́mirzaq Shókeevtiń tapsyrmasyna oraı aýdanda túıe sútin kóptep óndirip, tıimdi baǵada saýdalaý maqsatyndaǵy arnaıy semınarlar ótkizilýde. Sondaı-aq, aýdan ákimi Salyhan Polatovtyń bastamasymen irili-usaqty túıe baǵatyn qojalyqtardy biriktirý, asyl tuqymdy sútti mol kólemde beretin túıelerdi satyp alý, sút qabyldaý beketterin uıymdastyrý máseleleri qarastyrylýda. Qazirgi tańda aýdandaǵy tórt aýyldyq okrýgte sút qabyldaý beketteri ornalastyrylǵan. Sonyń biri «Baǵdat» sharýa qojalyǵynda búginde 505 bas túıe baǵylýda. Onyń 276-sy urǵashy. 4 myń gektar jaıylymy bar qojalyq bıyl saýyndy túıe sanyn 50-ge jetkizip, táýligine 150 lıtr sút óndirýdi kózdep otyr.

«Jýyrda bizge Túrkistan qalasyndaǵy túıe sútin tereń óńdeıtin zaýyttan ókilder arnaıy kelip, 1 tonnalyq sút qabyldaý qondyrǵysyn ornatyp ketti. Onda óziniń salqyndatqyshy, qozǵap turatyn tetigi bar. Zaýyt ókilderi bir lıtr túıe sútin 1000 teńgeden satyp alamyz dep otyr. Endi birer aıda bizde 20-30 túıe saýyla bastasa, aptasyna shamamen 300 lıtr túıe sútin óndire alamyz. Budan bólek, kórshi sharýa qojalyqtarynyń da sútterin qabyldap, shamamen aptasyna 1 tonna sútti zaýytqa ótkize alamyz dep boljap otyrmyz», – deıdi «Baǵdat» sharýa qojalyǵynyń jetekshisi Patıma Nyshanbaeva.

 

 

Túrkistan oblysy

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar