Prezıdent • 16 Naýryz, 2020

Prezıdent Áleýmettik-ekonomıkalyq turaqtylyqty qamtamasyz etý jónindegi Jarlyqqa qol qoıdy

60 retkórsetildi

Memleket basshysy Qasym-Jomart Toqaev Áleýmettik-ekonomıkalyq turaqtylyqty qamtamasyz etý jónindegi sharalary týraly Jarlyqqa qol qoıdy. Bul týraly Aqordanyń baspasóz qyzmeti habarlady.

Qazaqstan Respýblıkasy Konstıtýsııasynyń 44-babynyń 16) tarmaqshasyna, «Qazaqstan Respýblıkasynyń Prezıdenti týraly» 1995 jylǵy 26 jeltoqsandaǵy Qazaqstan Respýblıkasynyń Konstıtýsııalyq zańyna sáıkes halyqtyń ómiri men densaýlyǵyna, konstıtýsııalyq qurylysqa, qoǵamdyq tártipti saqtaýǵa, memlekettik apparattyń turaqty jumys isteýine qaýip tóndiretin nemese tóndirýi múmkin daǵdarysty jaǵdaılar kezinde memlekettik basqarý deńgeıleri arasyndaǵy ókilettikterdi ajyratý maqsatynda QAÝLY ETEMIN:

1. Daǵdarysty jaǵdaılar kezeńinde Qazaqstan Respýblıkasynda memlekettik basqarýdyń jumys isteýiniń mynadaı tetigi aıqyndalsyn:

1)  Qazaqstan Respýblıkasynyń Prezıdenti memlekettiń ishki jáne syrtqy saıasatynyń negizgi baǵyttaryn aıqyndaıtyn jáne el ishinde jáne halyqaralyq qatynastarda Qazaqstan atynan ókildik etetin joǵary laýazymdy tulǵa retinde, onyń ishinde áleýmettik-ekonomıkalyq salada:

Qazaqstan Respýblıkasynyń Konstıtýsııasynda rettelgen máselelerdi qospaǵanda, memlekettik organdar men kvazımemlekettik sektor sýbektilerin uıymdastyrý men qyzmeti;

salyq salý, memlekettik bıýdjetti qalyptastyrý, naqtylaý jáne paıdalaný;

halyqtyń jáne ekonomıkanyń úzdiksiz tynys-tirshiligin qamtamasyz etý úshin qajetti taýarlardy ákelý jáne áketý;

memlekettik menshikti basqarýdy uıymdastyrý;

eńbekaqy tóleý, azamattardyń áleýmettik qorǵalýy, memlekettik áleýmettik jáne medısınalyq qamtamasyz etý, medısınalyq jáne áleýmettik saqtandyrý júıesi men sharttaryn qalyptastyrý;

shekti tarıfterdi jáne halyqtyń jáne ekonomıkanyń úzdiksiz tynys-tirshiligin qamtamasyz etý úshin qajetti azyq-túlik pen basqa da taýarlarǵa baǵalardy belgileý;

baqylaýdy jáne qadaǵalaýdy júzege asyrý;

lısenzııalaý, ruqsattar jáne habarlamalar;

memlekettik satyp alýdy júzege asyrý;

quqyq  tártibin qamtamasyz etý;

qarjy naryqtary men qarjy uıymdary;

eldiń halyqaralyq mindettemelerin iske asyrý;

monopolııaǵa qarsy zańnama jáne básekelestikti qorǵaý;

Qazaqstan Respýblıkasynyń Konstıtýsııasynda, zańdarynda jáne Qazaqstan Respýblıkasynyń Prezıdenti men Úkimetiniń aktilerinde júktelgen ózge de fýnksııalar men baǵyttardy júzege asyrý máseleleri boıynsha retteýdiń ózge de tártibin kózdeıtin aktiler qabyldaýǵa nemese memlekettik organdarǵa tapsyrmalar berýge quqyly;

2)  Qazaqstan Respýblıkasynyń Úkimeti atqarýshy organdar júıesin basqaratyn jáne olardyń qyzmetine basshylyqty júzege asyratyn organ retinde, Qazaqstan Respýblıkasy Prezıdentiniń aktileri men tapsyrmalarynda tikeleı quzyreti bolǵan kezde, onyń ishinde osy tarmaqtyń 1) tarmaqshasynda kózdelgen máseleler boıynsha ózge de tártipti kózdeıtin aktiler qabyldaýǵa nemese memlekettik organdarǵa, jergilikti atqarýshy organdarǵa tapsyrmalar berýge quqyly;

3)  Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organdar Qazaqstan Respýblıkasy Prezıdentiniń aktileri men tapsyrmalarynda tikeleı quzyreti bolǵan kezde, onyń ishinde osy tarmaqtyń 1) tarmaqshasynda kózdelgen máseleler boıynsha ózge de tártipti kózdeıtin aktiler qabyldaýǵa quqyly;

4)  ortalyq jáne jergilikti atqarýshy organdar Qazaqstan Respýblıkasy Prezıdentiniń, Qazaqstan Respýblıkasy Úkimetiniń aktileri men tapsyrmalarynda tikeleı quzyreti bolǵan kezde, onyń ishinde  osy  tarmaqtyń 1) tarmaqshasynda kózdelgen máseleler boıynsha ózge de tártipti kózdeıtin aktilerdi qabyldaýǵa quqyly.

2.   Qazaqstan Respýblıkasynyń Úkimeti:

1)  bir aı merzimde zańnamalyq aktilerge osy Jarlyqty iske asyrýǵa, onyń ishinde qajet bolǵan kezde ózge de fýnksııalardy qaıta bólýge baǵyttalǵan ózgerister men tolyqtyrýlar engizýdi kózdeıtin zań jobasyn Qazaqstan Respýblıkasynyń Parlamenti Májilisiniń qaraýyna engizsin;

2)  osy Jarlyqty iske asyrý jóninde ózge de sharalar qabyldasyn.

3.   Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.

4.   Osy Jarlyq qol qoıylǵan kúninen bastap qoldanysqa engiziledi.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar