Qoǵam • 16 Naýryz, 2020

21 mádenıet uıymynyń qyzmeti onlaın formatqa kóshirildi - vıse-mınıstr

30 retkórsetildi

Mádenıet jáne sport vıse-mınıstri О́rken Bısaqaev ýaqytsha shekteýler kezeńinde mınıstrlik pen oǵan vedomstvolyq baǵynysty barlyq uıymda jedel shtabtar qurylǵanyn aıtty.

«Búginde mınıstrlikke baǵynysty uıymdardyń qyzmetkerleri úsh kategorııaǵa bólingen. I topqa – jumys ornynda mindetti túrde qatysa otyryp, uıymnyń tynys-tirshiligin qamtamasyz etýmen aınalysatyn qyzmetkerleri jatqyzylsa, II topqa – eńbek fýnksııalaryn qashyqtan rejımde oryndaıtyn qyzmetkerler jatady. Al III topqa – tıisti aktilerdi qabyldaı otyryp, aqyly demalys nemese aqysyz demalys beriletin qyzmetkerler kiredi» dedi О́rken Bısaqaev.

Onyń aıtýynsha, qyzmetkerlerge jalaqysy jáne ózge de qarastyrylǵan áleýmettik sharalardy saqtaı otyryp, onyń ishinde qashyqtyq rejıminde ıkemdi jumys kestesin engizý múmkindigi qarastyrylǵan. Jalpy mınıstrlikke qarasty barlyq mádenıet uıymynyń qyzmeti qashyqtan kórsetilýde, sondaı-aq, 21 mádenıet uıymynyń qyzmeti onlaın formatqa kóshirilgen.

Sonyń ishinde Ulttyq kitaphanalar oqyrmandarǵa elektrondy jetkizý qyzmetin usynyp otyr. Kitaphana qorynan qujattyń elektrondyq nusqasy oqyrmannyń tapsyrysy boıynsha onyń elektrondyq poshtasyna joldanady. Bul rette qujattardyń qatarynda kitaptarmen qatar dıssertasııa jáne taǵy basqa abonement zaldarynan áleýmettik-mańyzdy ádebıet túrleri bar ekenin atap ótken jón.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar