«Áleýmettik-ekonomıkalyq turaqtylyqty qamtamasyz etý jónindegi sharalar týraly» Qazaqstan Respýblıkasy Prezıdentiniń 2020 jylǵy 16 naýryzdaǵy № 286 Jarlyǵyna sáıkes QAÝLY ETEMIN:
1. Qazaqstan Respýblıkasynyń Úkimeti Qazaqstan Respýblıkasynyń Prezıdentimen kelisý boıynsha:
1) salyq tóleýshilerdiń jekelegen sanattary úshin salyq mólsherlemelerin belgilesin, salyq bazasyn, salyq salý obektilerin, salyqtyq kezeńdi aıqyndaý jáne salyqtyq mindettemelerdi oryndaý tártibin;
2) osy tarmaqtyń 1) tarmaqshasynda kórsetilgen salyq tóleýshilerdiń jekelegen sanattaryn;
3) memlekettik bıýdjetti qalyptastyrýdyń, naqtylaýdyń jáne atqarýdyń erekshe tártibin;
4) memlekettik satyp alýdyń arnaıy tártibin aıqyndasyn.
2. Qazaqstan Respýblıkasynyń Úkimetine:
1) Qazaqstan Respýblıkasynyń Úkimeti aıqyndaıtyn tártippen, shekti tarıfterdi jáne Qazaqstan Respýblıkasynyń halqy men ekonomıkasynyń úzdiksiz tynys-tirshiligin qamtamasyz etýge qajetti azyq-túlik pen basqa da taýarlarǵa baǵalardy belgileý;
2) Qazaqstan Respýblıkasynyń halqy men ekonomıkasynyń úzdiksiz tynys-tirshiligin qamtamasyz etýge qajetti taýarlardy ákelý men áketý tártibin aıqyndaý quqyǵy berilsin.
3. Osy Jarlyq qol qoıylǵan kúninen bastap qoldanysqa engiziledi.
Qazaqstan Respýblıkasynyń Prezıdenti Q.Toqaev
Nur-Sultan, Aqorda, 2020 jylǵy 16 naýryz
№ 287
