Abaı • 17 Naýryz, 2020

Qunanbaı mýzeıiniń qurylysy bastalady

201 retkórsetildi

Abaı Qunanbaıulynyń 175 jyldyq mereıtoıyna aqynnyń týǵan topyraǵy – Shyǵys Qazaqstanda daıyndyq jumystary qyzý júrgizilýde. Mereıtoı aıasynda iske aspaq ıgi sharýanyń biri – Abaı aýdany aýmaǵyndaǵy Qunanbaı qorymynyń memleket qamqorlyǵyna alynyp, Aqshoqyda mýzeıdiń salynbaǵy.

Oraıy kelgende aıta keteıik, Qunan­baı qorymynyń san jyl qa­raýsyz turǵandyǵyn, qasterli meken­di memleket qamqorlyǵyna alý qajettigi má­selesin gazetimiz buǵan deıin birneshe már­­te kótergen bolatyn. Alaıda seń qoz­ǵalmaǵan edi. Tek 2019 jylǵy sáýir aıynda Memleket basshysy Qasym-Jomart Toqaevtyń Shyǵys Qazaqstanǵa jasaǵan saparynan soń bul máselege kózqaras ózgerdi. Prezıdent sol saparynda: «Biz uly Abaı týraly aıtqanda, onyń ákesi – Qu­nanbaıdyń el tarıhyndaǵy eńbegin umyt­paýymyz qajet. Sondyqtan aldaǵy ýaqytta oblys ákimdigi Qunanbaıdyń esimin ulyqtaýǵa baılanysty tıisti sharalar qabyldaý múmkindigin qarastyrýy kerek» degen bolatyn.

Jaqynda О́skemende ótken oblys­tyq máslıhattyń kezekten tys sessııa­synda Aqshoqyda Qunanbaı О́sken­baıulyna arnalyp salynatyn mýzeı qu­rylysy jýyq arada bastalatyny, buǵan oblystyq bıýdjetten 276 mıllıon teńge qarjy bólingeni jaıynda aıtyldy. Osy jıynda uly jazýshy Muhtar Áýezov dúnıege kelgen Bórili aýylynyń jolyn jóndeýge 48 mıllıon teńge jáne Semeıdegi Abaı atyndaǵy teat­r ǵımaratyna ǵylymı-restavrasııalyq jumystar júrgizý úshin 198 mıllıon teńge qarajat bólinetini de habarlandy.

Aıtpaqshy, óńirimizdegi eń iri eki qala О́skemen men Semeıde aqynnyń ákesi Qunanbaı atyndaǵy kóshe joq. Úl­ken mereıtoı aıasynda bul másele she­shimin tabady dep senemiz.

 

Shyǵys Qazaqstan oblysy

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar