Mektepter oqý jylyna tolyq daıyn bolýy tıis

Keshe Premer-Mınıstr Serik Ahmetovtiń tóraǵalyǵymen ótken selektorlyq keńeste bilim berý uıymdaryn 2013-2014 jańa oqý jylyna daıyndaý máselesi talqylandy, dep habarlady Premer-Mınıstrdiń baspasóz qyzmeti.

Keshe Premer-Mınıstr Serik Ahmetovtiń tóraǵalyǵymen ótken selektorlyq keńeste bilim berý uıymdaryn 2013-2014 jańa oqý jylyna daıyndaý máselesi talqylandy, dep habarlady Premer-Mınıstrdiń baspasóz qyzmeti.

Bilim jáne ǵylym mınıstri Ba­qytjan Jumaǵulov habarlaǵan­daı, aldaǵy oqý jylynda respýb­lıka mek­tepterinde 2,5 mıllıonnan astam bala oqıtyn bolady, qyrkúıektiń ba­synda mektepterde shamamen 294064­ pedagog, onyń ishinde 9645 jas mu­ǵalim óz jumystaryna kirisedi. Qa­zirgi ýa­qytta pedagog kadrlarǵa degen barlyq qajettilik 1934 pán muǵalimin, atap aıtqanda, matematıka, hımııa, fızıka, aǵyl­shyn tili muǵalimderin quraıdy.

B.Jumaǵulov «Mektepke jol» aksııasy sheńberinde 15184 balaǵa 59 mıllıon teńgeden astam somada kómek kórsetilgenin habarlady. Jalpyǵa ortaq bilim qorynyń qarjysyn 3 paıyzǵa deıin ulǵaıtý maqsatynda 8,5 mlrd. teńge bıýdjet qarjysy qarastyrylǵan.

Mınıstrdiń aıtýynsha, ústimizdegi jyldyń 1 qyrkúıeginde 2013 jyldyń aıaǵyna deıin iske qosý josparlanǵan 159 mekteptiń 77-si oqýshylarǵa óz esikterin ashady. Mektepterdiń 32 paıyzyna qarastyrylǵan kúrdeli jóndeýge qajettiligine qaraı (439 mektep) 19,3 mlrd.teńge, onyń ishinde «Jumyspen qamtýdyń jol kartasy-2020» boıynsha 14,2 mlrd.teńge bólinedi.

Sondaı-aq, mınıstr 6183 mekteptiń 80 paıyz balalaryna ystyq as beriletinin habarlady, 2015 jylǵa qaraı bul kórsetkishti 100 paıyzǵa jetkizý josparlanyp otyr. Oqýshylardyń 30 paıyzy tegin tamaqpen qamtylǵan, olar negizinen az qamtamasyz etilgen otbasylarynan shyqqan balalar.

Sondaı-aq, keńeste Densaý­lyq saqtaý mınıstri S.Qaıyr­be­kovanyń, Tótenshe jaǵdaılar mınıstri V.Bojkonyń, Aqtóbe ob­lysynyń ákimi A.Muhambetovtiń, Al­maty oblysynyń ákimi A.Mu­sa­hanovtyń, Ońtústik Qazaqstan ob­lysy ákiminiń orynbasary S.Qa­nybekovtiń baıandamalary tyńdaldy.

Keńesti qorytyndylaı otyryp, Úkimet basshysy Densaýlyq saqtaý jáne Tótenshe jaǵdaılar mınıstrleriniń nazaryn tıisti medısınalyq qyzmetpen, ystyq aspen qamtamasyz etýge, sanıtarlyq talaptardyń, órt qaýipsizdigi erejeleriniń saqtalýyna qatań baqylaý ornatý qajettigine aýdardy.

Bilim berý mekemeleriniń jańa oqý jylyna daıyndyǵynyń mańyzdylyǵyn atap óte otyryp, S.Ahmetov kóptegen aýdan ortalyqtarynda, aýyldar men selolarda mektepterdiń bilim berý, mádenıet ortalyqtary bolyp tabylatynyn, sondyqtan bul máselelerdiń bıliktiń jergilikti de, sol sııaqty, ortalyq organdarynyń da basym mindetteri qatarynda bolýy tıistigin atap kórsetti.

Memleket basshysynyń tapsyrmalaryn oryndaý maqsatynda S.Ahmetov apatty mektepter men úsh aýysymda oqytatyn mek­tepterdi joıý mindetin alǵa qoıdy. Úsh jyldyq merzimge bıýd­jet qalyptastyrý kezinde ákim­der bilim berý salasyn qar­jylandyrýǵa qatysty másele­ler­di ótkir qoıýy tıis dedi, osy oraıda S.Ahmetov. Sondaı-aq, Úkimet basshysy óńirler ákim­de­rine, Bilim jáne ǵylym mı­nıstrligine tıisti memlekettik organdarmen birlesip, 29 tamyzǵa deıin oqý jylyna daıyndyqty aıaqtaýdy tapsyrdy. О́ńirlik damý mınıstrligine salynyp jat­qan mektepterdiń ýaqtyly paıdalanýǵa berilýine, órt qaýip­sizdigi, sanıtarlyq normalardyń saq­talýyna baqylaý jasaý júkteldi.