«Qoǵamdyq tártipti qamtamasyz etý maqsatynda qazir narıadtardyń jıiligi arttyryldy. Búgingi tańda kún saıyn 200-den artyq qyzmetkerimiz qoǵamdyq tártipti kúzetýge shyǵady. Onyń ishinde áskerı qyzmetkerler de bar» dedi ol.
Tótenshe jaǵdaıdyń bir qatań talaby – azamattardyń qaltasynda jeke basyn kýálandyratyn qujattarynyń bolýy. Osy ýaqytqa deıin bul iske saldyr-salaq qarap kelgen qala qonaqtary qazir jappaı tólqujat alýǵa kóshýde. О́tken demalys kúnderi ǵana júzdegen adam mıgrasııalyq qyzmet ortalyǵyna kelip, qujat jasatýǵa tapsyrys bergen.
Elimizde epıdemııaǵa qarsy jappaı kúres júrgizilip jatqanda keıbir erikken áleýmettik jeli qoldanýshylar koronavırýstyń taralýy jóninde ótirik aqparlar jazýda. Polısııa ótirik aqparat úshin kem degende bir myń aılyq eseptik kórsetkish kóleminde aıyppul salynatynyn da turǵyndarǵa eskertýde. О́tiriktiń jazasy, tipti, bir jylǵa bas erkinen aıyrý da bolýy múmkin ekendigi aıtylyp jatyr.
Jalpy, qalada tynyshtyq. Jurttyń dúrbeleńi men úreıi joq.
PETROPAVL
