Álem • 17 Naýryz, 2020

AQSh-ta koronavırýsqa qarsy vaksına synaǵy bastaldy

36 retkórsetildi

Bul týraly AQSh Úkimetine silteme bere otyryp «Amerıka daýysy» habarlady.

Sıetldegi Kaiser Permanente Washington Health Research zertteý ortalyǵynda ótetin synaqty AQSh Ulttyq densaýlyq saqtaý ınstıtýttary qarjylandyrady.

Synaq 18 ben 55 jas aralyǵyndaǵy, óz erkimen kelisim bergen 45 saý adamǵa jasalady. Olarǵa Ulttyq densaýlyq saqtaý ınstıtýttary men Moderna kompanııasy jasaǵan preparattardyń ártúrli dozasy egiledi. Eriktilerge aýrý juqpaıdy, óıtkeni preparat quramynda vırýs joq. Test maqsaty - vaksınanyń qosymsha saldary qandaı ekenin anyqtaý. Bastapqy synaqtan soń aýqymdy synaq bastalady.

Sáýir aıynda Pensılvanııa ýnıversıteti men Kanzas-sıtı synaq ortalyǵynda amerıkalyq Inovio Pharmaceuticals kompanııasynyń koronavırýsqa qarsy jasaǵan vaksınasy synalýy múmkin. Bul synaqqa da ondaǵan erikti adam tartylady.

Qazir álemde ondaǵan zertteý ınstıtýty koronavırýs ınfeksııasyna qarsy vaksına jasaýmen shuǵyldanyp jatyr. Buǵan deıin Dúnıejúzilik densaýlyq saqtaý uıymy koronavırýsqa qarsy alǵashqy vaksına kem degende alty aıdan soń paıda bolýy múmkin degen edi. Alaıda aqpan aıynyń sońynda Qytaıdyń Reseıdegi konsýly vaksına qazirdiń ózinde daıyn ekenin, biraq qosymsha tekseris qajettigin málimdegen.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar