Qazaqstan • 17 Naýryz, 2020

Bankter ShOB-ty nesıelendirý týraly tapsyrma aldy

285 retkórsetildi

Qarjy rynogyn retteý jáne damytý agenttiginiń tóraǵasy Madına Ábilqasymovanyń aıtýynsha, provızııalardy esepteý tásilderin qatańdatý 2020 jyldyń qazan aıynda engiziledi.

«Qazirgi ýaqytta Qazaqstannyń qarjy júıesindegi jaǵdaı turaqty. Ekinshi deńgeıdegi bankter úzdiksiz operasııalardy qamtamasyz etý jáne banktik qyzmetterdiń tolyq spektrin usyný úshin menshikti kapıtal men ótimdiliktiń aıtarlyqtaı rezervine ıe.  Bank salymshylary úshin táýekelder joq. Aktıvterdiń sapasyn táýelsiz baǵalaý nátıjeleri boıynsha túzetýlerdi eskere otyryp, menshikti kapıtaldyń jetkiliktiligi  normatıvtik mınımýmǵa qaraǵanda 70% quraıdy. Agenttik bank júıesiniń taýarlyq jáne qarjy naryqtaryndaǵy yqtımal kúızelisterge beıimdiligin anyqtaý úshin bank deńgeıine júıelik deńgeıde jáne jeke-jeke stress-testileýdi júrgizýde, dedi Madına Ábilqasymova búgin onlaın júıede ótken baspasóz jıynynda.   

Sonymen birge, aktıvterdiń sapasyn táýelsiz baǵalaý nátıjeleri boıynsha 2020 jyldyń 30 naýryzyna deıin banktik túzetý sharalarynyń josparlary qabyldanady. Sonymen birge, «ózgerip otyrǵan ekonomıkalyq jaǵdaılardy eskere otyryp, provızııalardy esepteý erejelerin qataıtýǵa múmkindik beretin birqatar retteý sharalaryn engizý 2020 jyldyń 1 qazanyna deıin keıinge qaldyrylady. «1 sáýirden  1 qazanǵa deıin qazaqstandyq bıznesti nesıelendirý deńgeıiniń tómendeýine jol bermeý úshin ýaqytsha prýdensıaldyq retteý sharalary qabyldanady. Bul retteýshi sharalar sıklge qarsy sıpatta bolady jáne bankterdiń kapıtaly men ótimdiligine qysymnyń tómendeýine baǵyttalǵan», dedi agenttik basshysy.

Atap aıtqanda, bıznesti, memlekettik-jeke seriktestikti qoldaýdyń memlekettik baǵdarlamalary boıynsha jobalardy qarjylandyrý kezinde ShOB, MJÁ jáne sındıkattalǵan nesıeler boıynsha táýekelderdi azaıtýdy engizý kezinde berik kepildemeler tizimin keńeıtý josparlanýda. Sonymen qatar, tótenshe jaǵdaıǵa baılanysty nesıeniń keıinge qaldyrylǵan tólemi qunsyzdanýdy nemese retteýshi talaptardy qamtamasyz etýdi qajet etpeıdi. Agenttiktiń esepteýi boıynsha osy standarttardy qoldaný ekonomıkany nesıeleý úshin menshikti kapıtaldy 168 mlrd. teńge  bólýge múmkindik múmkindik beredi.

«О́timdilikti saqtaý jáne bankterdi turaqty qarjylandyrý úshin joǵary ótimdi dep tanylǵan aktıvterdiń tizimi keńeıtiletin bolady. Sondaı-aq, bankterdiń valıýtalyq táýekelderin tómendetý úshin uzaq valıýta pozısııasy men taza valıýta pozısııasynyń lımıti azaıady. Baǵaly qaǵazdar naryǵy men saqtandyrý naryǵynyń sýbektileri úshin táýekelderdi ólsheý koeffısıentteri de azaıady. Normatıvtik quqyqtyq aktilerge tıisti túzetýler daıyndalyp, aǵymdaǵy jyldyń 30 naýryzynan bastap kúshine enedi. Agenttik 2020 jyldyń 16 naýryzynan bastap KFGD usynylǵan eń joǵary mólsherlemelerin tıisinshe ózgertý úshin bankterge halyqtyń jańadan tartylǵan salymdary men aǵymdaǵy jınaq salymdary boıynsha syıaqy mólsherlemesin arttyrýdy usynady»  dep atap ótti Madına Ábilqasymova.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar