О́ńirlik kommýnıkasııalar qyzmetinde ótken brıfıngte oblystyq Kásipkerler áleýmettik palatasynyń dırektory Baǵlan Jumashbekov qorǵa qajetti taýarlardy satyp alý boıynsha 650 mln teńgege jýyq qarjy qarastyrylǵanyn habarlady.
«Aınalym qarajaty» jobasyn júzege asyrý aıasynda birinshi kezekte Túrkistan, Kentaý jáne Arys qalalary ákimdikteri usynǵan 10 kásipkerlik sýbektisine nesıe berý máselesi pysyqtalýda. Nesıe «Túrkistan» ÁKK» AQ depozıtine salynǵan qarajat esebinen beriledi» dedi Baǵlan Sháımerdenuly.
Budan bólek Turaqtandyrý qory 1 500 tonna shamasynda azyq-túlik taýarlaryn memlekettik satyp alýǵa tıisti konkýrs jarııalaǵan. «Túrkistan» ÁKK» AQ Túrkistan qalasynyń ákimdigimen, oblystyq Aýyl sharýashylyǵy basqarmasymen, sondaı-aq, kásipkerlik sýbektimen áleýmettik mańyzy bar taýarlar baǵalaryn turaqtandyrý boıynsha birlesken qyzmet týraly kelisim jasaǵan. Osy kelisim aıasynda taýarlar baǵasynyń kóterilýin boldyrmaýǵa jáne azyq-túlik taýarlarymen úzdiksiz qamtamasyz etýge baǵyttalǵan birlesken sharalar kesheni josparlanǵan.
