Áýejaıda jáne vokzaldarda qaýipsizdik sharalary kúsheıtildi. Tirkeý aımaǵy, kútý aımaǵy, teleskopııalyq traptar, júk bólimshesi, tekserý aımaǵy, súıenishter, baspaldaq aralyqtary, esikter jáne barlyq baılanys oryndary dezınfeksııalaý quraldarymen óńdeledi.
Bazarlarda, saýda úılerinde, saýda oıyn-saýyq jáne basqa da uıymdarda sanıtarlyq-dezınfeksııalyq rejım kúsheıtildi. Barlyq qyzmetkerler medısınalyq maskalarmen, antıseptıktermen jáne basqa da qorǵanys quraldarymen qamtamasyz etilgen.
Jumys oryndary men ǵımarattarda muqııat óńdeý jumystary júrgizilip jatyr. Sondaı-aq, elordada sońǵy aıaldamalarda arnaıy eritindimen avtobýstar jýylady. Avtobýstardyń ishinde jolaýshylarǵa arnalǵan antıseptıkter bar. Aýysym aıaqtalǵannan keıin avtobýstar jýylady, sonymen qatar zalalsyzdandyrylady. Qalanyń kommýnaldyq qyzmetteriniń mashınalary da dezınfeksııadan ótip jatyr.
Sondaı-aq áleýmettik obektilerde, densaýlyq saqtaý obektilerinde jáne Qarttar men múmkindigi shekteýli adamdarǵa arnalǵan medısınalyq-áleýmettik obektilerde, áleýmettik ońaltý ortalyqtarynda, balalar úılerinde, múgedek balalarǵa arnalǵan oqý oryndarynda jáne ınternattyq uıymdarda sanıtarııalyq-dezınfeksııalyq rejım kúsheıtildi; olarǵa kelýshilerge tyıym salyndy.
Elordada koronavırýstyq ınfeksııanyń taralýyna jol bermeý boıynsha barlyq sharalar qabyldandy: jedel shtab jumys isteıdi, koronavırýstyq ınfeksııa jaǵdaılary anyqtalǵan kezde is-qımyl algorıtmi ázirlendi.
Qala turǵyndary barlyq aldyn alý sharalaryn ustanýy kerek: qoldy sabynmen muqııat jýyp, qol berip amandasýdan bas tartý qajet. Jeke gıgıena zattaryn paıdalanyp, gadjetterdi/orgtehnıkany dezınfeksııalaý, JRVI belgileri bar adamdarmen qarym-qatynasty boldyrmaý, úıden qajetsiz shyqpaý jáne adamdar kóp jınalatyn jerlerge barmaý qajet.
