Elordada karantın kezinde qoldanylatyn sharalar:
• Avtovokzaldardaǵy qalaaralyq avtobýstardyń qozǵalysyna tyıym salynady.
• Elorda aýmaǵyna kirip-shyǵatyn jerlerde shekteý qoıylady.
• Barlyq kirip-shyǵatyn jerlerde kólik túrleri úshin koronavırýstyq ınfeksııaǵa kúdikti adamdar nemese juqtyrǵan adamdardy anyqtaý úshin qosymsha pýnktter ornatylady.
• Saýda oıyn-saýyq ortalyqtaryndaǵy azyq-túlik dúkenderi, kólik jýatyn jerler men dárihanalar ǵana jumys isteıdi. Qalǵan saýda núkteleri ýaqytsha jumysyn toqtatady. Qaladaǵy 12 iri saýda oıyn-saýyq ortalyǵy jumysyn ýaqytsha toqtatý týraly sheshim qabyldady.
• Halyqqa qyzmet kórsetý ortalyqtarynyń jumysy ýaqytsha shekteledi.
• Barlyq uıymnyń basshylaryna qyzmetkerlerdiń 70 paıyzyn qashyqtan jumys isteýge nemese eńbek demalysyna shyǵarý Prezıdent tarapynan usynyldy. Bul kommýnaldyq, quqyq qorǵaý jáne arnaıy organdarǵa, medısına qyzmetkerlerine, qalanyń tynys-tirshiligin qamtamasyz etetin basqa uıymdarǵa qatysty emes.
• Saýda oıyn-saýyq ortalyqtarynda jáne kommýnaldyq sharýashylyq, tamaq ónerkásibi, qoǵamdyq tamaqtaný jerlerinde, halyqqa qyzmet kórsetý ortalyǵynda, vokzaldarda, áýejaılarda, qonaq úıler jáne taǵy basqa oryndarda sanıtarııalyq, dezınfeksııalyq rejım kúsheıtildi.
• Medısınalyq tekserýden ótýge jáne emdelýden bas tartqan, karantın rejımin saqtaýǵa beıjaı qarap, epıdemologııalyq jaǵdaıdy jáne taǵy da basqa jaǵdaılardy anyqtaý úshin qolynda bar málimetterdi jasyrǵan kisilerge baqylaý kúsheıtiledi jáne oǵan jaýapkershilik bar ekenin umytpaý kerek.
• Qoǵamdyq tártipti saqtaý boıynsha qala aýmaǵynda patrýldik baqylaý kúsheıedi.
