Tarazdyqtar Baýyrjan Momyshuly atyndaǵy «Jeńis» saıabaǵyna jınalyp, kóne shahArda bastaý alǵan kógaldandyrý jumystaryna qatysty. Eki aılyq jumysqa qatysqandar arasynda oblys ákimi Berdibek Saparbaev, oblystyq jáne qalalyq ardagerler keńesiniń músheleri, qoǵamdyq keńesterdiń, jastar jáne volonterlik uıymdardyń basshylary men ókilderi boldy. О́z sózinde B.Saparbaev árkim óz aýlasyn, kósheni, qalany, aýdandy taza ustaýǵa tyrysýy kerektigin, tek aýmaqty tazalaý jáne aǵash otyrǵyzýmen shektelmeı, otyrǵyzylǵan jasyl jelekterdi kútip-baptaý jumystaryn da júıeli túrde júrgizip otyrýdyń durys ekenin jetkizdi.
Qalany kógaldandyrý jumystary oblys ákimdigi ǵımaratynyń jáne Qazaq handyǵynyń 550 jyldyǵyna oraı boı kótergen monýment mańynda, «Áýlıe-ata» áýejaıy aýmaǵynda, Taraz qalasyndaǵy E.Nıetqalıev, Y.Súleımenov atyndaǵy jáne basqa da kósheler boıynda jalǵasyn tapty. Bul kúni oblys ortalyǵynda 225 qaıyń kósheti, 2900 úıeńki, 150 akasııa, 800 shaǵan aǵashy, sondaı-aq birneshe qaraǵaı, magnolııa kóshetteri, jalpy alǵanda tórt myńnan astam aǵash otyrǵyzyldy. Eki aılyq is-sharalar mamyr aıyna deıin jalǵasady. Bul oraıda qalanyń ortalyq bólikteri, magıstraldy kósheler men saıabaqtar, oblys ortalyǵynyń shaǵyn aýdandary ártúrli jaýapty mekemelerge, kásiporyndar men kásipkerlik nysandaryna arnaıy bekitilgen. Búginde mundaı jumystar oblystyń barlyq aýdanynda júrgizilýde.
Jambyl oblysy
