Rýhanııat • 18 Naýryz, 2020

Máneri bólek Marhabat

82 retkórsetildi

Jaqynda Birikken Ulttar Uıymynyń 6 tiline (aǵylshyn, arab, fransýz, qytaı, ıspan, orys) aýdarylǵan zamanaýı qazaq prozasynyń antologııasy jaryq kórdi. Antologııa 60 myń danamen shyǵyp, álemniń 93 eliniń kitaphana, ýnıversıtet, zertteý ortalyqtaryna jetkizildi. Osylaısha dúnıejúzi oqyrmandary qazaq halqynyń tynys-tirshiligimen, bolmys-bitimimen tanysatyn bolady.

Atalǵan antologııaǵa tanymal jazýshy-jýrnalıst, Halyqaralyq «Alash» ádebı syılyǵynyń laý­reaty Marhabat Baıǵuttyń shyǵarmalary da endi. Qazaq prozasynda alar orny erekshe, ádebıetsúıer qaýymǵa qysqa da tereń maǵynaly áńgimelerimen tanymal Marhabat Baıǵuttyń ózgelerge uqsamaıtyn máneri oqyrmandy ózine birden baýrap alady. «Meniń oıyma orystyń klassık jazýshysy Andreı Platonovtyń «A bez menıa narod ne polnyı» degen sózi eske túsedi. «Mensiz halyq tolyq emes» degeni ǵoı. Osy sekildi Marhabat bolmasa qazaq prozasy tolyq emes», deıdi tanymal aqyn Narmahan Begaly qalamdasynyń ádebıettegi orny týraly.

Zamanaýı qazaq prozasynyń antologııasyna Marhabat Baıǵut týyndylarynyń engizilýi – atalǵan jınaqtyń qundylyǵyn arttyryp otyr. Jazýshynyń shyǵarmalarynda qazaq ultynyń darhan peıili, aq-edil kóńili, qýlyq-sumdyq, aramdyǵy joq bolmysy, janynyń kirshiksiz tazalyǵy kórinis tabady. Álem halqy qazaq eliniń tirshiligine Marhabat Baıǵuttyń «kózimen» qaraıtyny bizdi qýantyp otyr. Qazaq eliniń ımıdjin arttyrýda, baı tarıhyn nasıhattaýda, keshegisi men búginin tanytýda, uly dala turǵyndarynyń ekzotıkalyq minezin ashýda jazýshy shyǵarmalarynyń alar orny erekshe. Jazýshynyń keıipkerleri san alýan. Qarapaıym aýyl turǵyndarynan bastap ákimderge deıin áńgimelerinen tabylady. 2012 jyly jazýshy «Ákimniń áıeli» degen áńgime jazǵan bolatyn. Osy áńgime byltyr Tashkentte ózbekshege aýdarylyp «Jahon adabıetı» jýrnalynda basyldy. О́zbekstan Prezıdenti Shavhat Mırzıeev «Hokımnıng hotını» áńgimesin oqyp, ákimdermen ótken jıynda «Qazaq jazýshysynyń myna áńgimesin áıelderińizben birge oqyńyzdar», depti. Áńgimeni aýdarǵan Mehmonkýl Islomkýlov О́zbekstanda «Jyldyń úzdik aýdarmashysy» atalymyna ıe bolǵan. Osylaısha Marhabat Baıǵuttyń áńgimesi ózbek tárjimashysynyń baǵyn ashty.

 

Túrkistan oblysy

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar