Bul týraly О́ńirlik kommýnıkasııalar qyzmetinde ótken brıfıngte Adamı áleýetti damytý basqarmasynyń basshysy Rahymbek Jolaev málimdedi. Sonymen qatar, brıfıngte oblystyq Qoǵamdyq densaýlyq basqarmasy basshysynyń mendetin atqarýshy Saltanat Jamalova oblys boıynsha koronavırýstyq ınfeksııamen aýyrǵan naýqastar tirkelgen jaǵdaıda olardy jatqyzý úshin ınfeksııalyq stasıonarlarda 100 tósek -oryn daıyndalǵandyǵyn jetkizdi. «Koronavırýstyq ınfeksııaǵa uqsas derti bar naýqastardy jatqyzý, dıagnozdaryn anyqtaý maqsatynda 240 tósek - orynǵa provızorlyq stasıonarlar qarastyrylǵan. Barlyǵy - 340 oryn. Odan bólek, barlyq aýdandar men qalalardaǵy ınfeksııalyq aýrýlar bólimderi daıyndyq jaǵdaıyna keltirilgen. Qarym qatynasta bolǵandardy oqshaýlaý úshin oblys aýmaǵyna 505 orynǵa observasııalyq gospıtaldar josparlanǵan», dedi Saltanat Ábdiqaıymqyzy.
Al Jumyspen qamtýdy úılestirý jáne áleýmettik baǵdarlamalar basqarmasynyń basshysy Asııa Temirbaeva basqarmaǵa baǵynysty mekemelerde karantındik rejım jarııalanǵanyn aıtty. О́ńirdegi 13 medısınalyq - áleýmettik mekemelerde, onyń ishinde múgedekter men múgedek balalarǵa arnaýly áleýmettik kómek kórsetetin ortalyqtary jáne oralmandardy beıimdeý ortalyǵynda 5068 qyzmet alýshy tirkelgen. «Olarǵa 1 321 qyzmetker qyzmet kórsetýde. Qamqorlyqqa alynǵandar arasynda koronavırýstyq ınfeksııasynyń jappaı taralý jaǵdaıyn boldyrmaý úshin barlyq medısınalyq-áleýmettik mekemelerde karantın rejımi jarııalandy», - dedi Ásııa Quralqyzy.
Túrkistan oblysy
