Semeı óńiriniń týmasy álemdik sport tarıhynda ózindik iz qaldyrǵan azamat. Qysqa qashyqtyqqa júgirýdi serik etken ol KSRO rekordyn jańartty, kóptegen halyqaralyq jarystarda jeńis túǵyryna kóterildi. 1960 jyly Rımde alaýy tutanǵan Olımpııa oıyndarynyń 4h100 estafetalyq saıysynda Ǵusman óziniń komandalyq áriptesterimen birge kúmis medaldi ıelendi. Osylaısha, Qosanovtyń esimi ǵalamdyq dodada júlde alǵan tuńǵysh qazaq sportshysy retinde tarıhta qaldy. 1965 jyly Kıevte ótken KSRO men AQSh quramalary arasyndaǵy matchtyq kezdesýdiń jeńimpazy atandy.
Mine, sol áıgili jelaıaqty eske túsirýge arnalǵan jarys bıyl 30 márte uıymdastyrylǵaly otyr. Sol mereıtoılyq dodanyń World Athletics Continental Tour 2020 jarystar serııasy sanatyna enýi aıtýly básekeniń deńgeıi men mártebesiniń ósýine oń yqpal etetini daýsyz.
