Qoǵam • 18 Naýryz, 2020

Karantın kúnderinde Almatyda eńbek zańnamalary qalaı saqtalady?

118 retkórsetildi

Karantın kúnderinde Almaty ákimdigi jumys berýshilerdiń eńbek zańnamasyn saqtaýyn baqylaıtyn bolady. Osy máselege oraı Almaty qalasynyń О́ńirlik kommýnıkasııalar qyzmetiniń alańynda Áleýmettik ál-aýqat basqarmasy basshysynyń orynbasary Danııar Álkebaıulynyń qatysýymen baspasóz konferensııasy ótti.

Danııar Álkebaıuly elde koronavırýs taralýyna baılanysty tótenshe jaǵdaı kezindegi eńbek tártibi týraly aıtty.  

Qashyqtyqtan oryndalatyn jumysqa kóshken jaǵdaıda jumys isteý tártibi jumys ýaqytynyń esebi boıynsha QR Eńbek kodeksiniń 138-babyna sáıkes anyqtalady. Jalaqy tolyq kólemde tólene otyryp, jumys ýaqyty jumys berýshiniń aktisimen retteledi. Bul rette, Eńbek kodeksi jumys berýshini qashyqtan jumys atqarý úshin jaǵdaı jasaýdy mindetteıdi.

Qashyqtyqtan jumys isteý múmkin emes uıymdarda jumys berýshi – Eńbek kodeksiniń 70-babyna sáıkes tolyq emes rejım jumys kúnin engizýge quqyly, onda eńbekaqy naqty jumys istegen ýaqyty boıynsha tólenedi.

«Eger mundaı rejım múmkin emes jáne jumys berýshiler óz qyzmetin toqtatýǵa májbúr bolsa, onda Eńbek kodeksiniń 112-baby basshylyqqa alynady – bos turyp qalǵan ýaqytyna aqy tóleý. Bul jaǵdaıda jumys berýshi qyzmetkerlerdiń jalaqysy eń tómengi jalaqy mólsherinen (42 500 teńge) kem bolmaıtyn mólsherde belgileıdi. Degenmen, eger eńbek nemese ujymdyq shartta jazylǵan ózge talaptar bolsa, onda tólem sol talapqa sáıkes júrgiziledi, biraq jalaqynyń eń tómengi mólsherinen tómen  bolmaýy tıis», – dedi Danııar Álkebaıuly.

Tótenshe jaǵdaılarda jumys berýshi shtat sanyn qysqartýy múmkin. Bul jaǵdaıda jumys berýshi Eńbek kodeksiniń 131 babyna sáıkes bir aı buryn jumysshyny habardar etýi kerek jáne jumysshynyń ortasha jalaqysy mólsherinde ótemaqy tóleýi qajet.

«Osyǵan baılanysty, biz jergilikti atqarýshy organ retinde qaladaǵy kásiporyndardyń jumys jaǵdaıyn, qyzmetkerlerdi bosatýyn, jumys berýshilermen jumysshylardyń Eńbek kodeksin saqtaýyn kúndelikti monıtorıng júrgizetin bolamyz», – dep atap ótti Danııar Álkebaıuly.

Eńbek zańnamasynyń saqtalýyn eńbek ınspektorlary baqylaıtyn bolady. Inspektorlardyń barlyq baılanys derekteri basqarmanyń resmı saıtynda, sonymen birge áleýmettik jelilerde kórsetilgen.

Jumystan bosatylǵan jaǵdaıda, jumystan bosatylý sebepterine qaramastan, 6 aı ishinde azamattardyń jumysynan aıyrylýyna baılanysty áleýmettik tólemdi rásimdeýge quqyǵy bar (memlekettik áleýmettik saqtandyrý qorynan). Tólem buryn alǵan jalaqysynyń 40% mólsherinde júrgiziledi. Ol úshin qalanyń Jumyspen qamtý ortalyǵynda jumyssyz retinde tirkelý qajet, ony egov.kz portalyna tirkelip, qashyqtyqtan jasaýǵa bolady, odan ári áleýmettik tólem jumysshynyń qatysýynsyz taǵaıyndalady.

Basqarma basshysynyń orynbasary sózin qorytyndylaı kelip,  halyqty jumyspen qamtýǵa járdemdesý sharalary qamtamasyz etiletindigin, sondaı-aq qyzmetkerlerdiń bosaýyna jáne olardy jumysqa ornalastyrý boıynsha ýaqtyly sharalar qabyldaýǵa baqylaý júrgiziletinin atap ótti.

Sońǵy jańalyqtar

Sý tasqynyna qarsy áreketter bastaldy

Aımaqtar • Búgin, 13:00

Juqpaly aýrýlar jaıly jaýhar fılmder

Rýhanııat • Búgin, 12:50

Almatyda onlaın jattyǵý ótedi

Sport • Búgin, 11:51

Jalǵan aqparat taratqan muǵalim ustaldy

Koronavırýs • Búgin, 11:45

Túrkistan: Kásipkerlerdiń kómegi kóp

Aımaqtar • Búgin, 11:13

Naýqastyń jeke deregin kim taratty?

Aımaqtar • Búgin, 10:59

Aqyn Amanhan Álimuly dúnıeden ótti

Rýhanııat • Búgin, 10:53

Qaıyrymdylyq aksııasynyń aýqymy keń

Aımaqtar • Búgin, 09:40

Shekteý sharalary qatań saqtalýy tıis

Koronavırýs • Búgin, 09:18

Meıirlannyń músinderi

Rýhanııat • Búgin, 08:05

Memleket basshysynyń qamqorlyǵy

Qoǵam • Búgin, 07:50

Kúı qudireti

Rýhanııat • Búgin, 07:43

Daýys galereıasy

Rýhanııat • Búgin, 07:39

Aq jeleńdilerge alǵys aıtty

Rýhanııat • Búgin, 07:35

El áńgimelerin ekshegen

Rýhanııat • Búgin, 07:28

Tórt túlik kóbeıse, toqshylyq keledi

Ekonomıka • Búgin, 07:26

Tarıhta qalǵan indetter

Tarıh • Búgin, 07:22

Nesıe tóleýdi toqtata turý tártibi

Ekonomıka • Búgin, 07:21

Onlaın oıynda jeńildi

Hokkeı • Búgin, 07:15

Uqsas jańalyqtar