Aımaqtar • 18 Naýryz, 2020

Almatyda qala garnızonynyń jeke quramy qyzmet etýdiń kúsheıtilgen deńgeıine kóshti

66 retkórsetildi

Búgin Almaty qalasy О́ńirlik kommýnıkasııalar qyzmetiniń alańynda  Almaty qalasy Basqarmalarynyń basshylary men orynbasarlarynyń qatysýymen qalaǵa karantındi engizý jumystaryn túsindirý boıynsha birqatar onlaın-brıfıngter ótedi.

Alǵashqy onlaın-brıfıngti Almaty qalasy polısııa Departamentiniń basshysy Qanat Danııaruly Taımerdenov ótkizdi. Departament basshysy tómendegideı málimdeme jasady.

«Qurmetti azamattar, ózderińiz biletindeı kúni keshe elimizdiń aýmaǵynda Memleket basshysy  ókimmen tótenshe jaǵdaı jarııalanǵan bolatyn.

Osy oraıda qala garnızonynyń jeke quramy qyzmet etýdiń kúsheıtilgen deńgeıine kóshti.

Polısııanyń negizgi mindetteri qoǵamdyq qaýipsizdikti saqtaý men azamattardyń qaýipsizdigin qamtamasyz etý.

Qazirgi tańda Departament tarapynnan koronavırýstyq ınfeksııanyń aldyn alýǵa jáne oǵan tosqaýyl qoıýǵa baǵyttalǵan sharalar jasalýda.

Basqa da memlekettik organdarmen birige otyryp, ınfeksııaǵa dýshar bolǵan azamattarmen qatynasta bolǵan jandardy izdestirýde. Búgingi kúni osyndaı 798 azamattar sany anyqtalyp, olar medısınalyq mekemelerge jetkizildi.

Asa mańyzdy memlekettik nysandar men mekemeler táýlik boıynda kúzetilýde. QR Prezıdenti qaramaǵyndaǵy tótenshe jaǵdaı rejımin qamtamasyz etý jónindegi memlekettik komıssııasynyń sheshimimen 19 naýryz saǵ. 00-00 bastap karantın rejımi engiziledi.

Basty maqsat qalanyń syrtqy aýmaǵyn baqylap jáne qalanyń ishindegi karantın rejımin qatań qadaǵalaý arqyly ınfeksııanyń taralýyn toqtatý.

Almatynyń shekarasynan avtokólikterdiń kirip-shyǵýyna shekteý qoıylady, osyǵan baılanysty qalanyń barlyq kire beristerine jáne 10 magıstralǵa 27 blok post qoıylady, ol jerge kúndelikti polısııa qyzmetkerleri men Qorǵanys mınıstirligi jaýyngerleri jumyldyrylady.

Polısııa departamentinde koll-sentr qurylyp, azamattardyń barlyq suraqtaryna jedel jaýap beriledi. Qurmetti azamattar sizderden IIO tarapynan jasalyp jatqan sharalarǵa túsinistikpen qaraýyn suraımyz. О́ıtkeni olar Sizdiń jáne Sizdiń jaqyndaryńyzdyń qaýipsizdigine baǵyttalǵan», dedi Almaty qalasy polısııa Departamentiniń basshysy Qanat Taımerdenov

 

 

ALMATY

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar