Premer-Mınıstr, Tótenshe jaǵdaı rejımin qamtamasyz etý jónindegi memlekettik komıssııasynyń tóraǵasy Asqar Mamın Prezıdent Qasym-Jomart Toqaevqa komıssııanyń jumysy jáne el aýmaǵynda koronavırýs indetiniń taralýyna qarsy qabyldanǵan sheshimder jaıynda baıandady.
Memlekettik komıssııanyń tóraǵasy Nur-Sultan jáne Almaty qalalarynda karantınniń engizilýi, ekonomıka sýbektilerin qoldaý sharalary, koronavırýs juqtyrǵandardyń paıda bolý yqtımaldyǵyna óńirlerdiń daıyndyǵy týraly aıtty.
Qazaqstan Prezıdenti komıssııa músheleri júıeli jumys istep, aımaq basshylarymen ózara yntymaqtasa áreket etýiniń mańyzdylyǵyn atap ótti. Memleket basshysynyń pikirinshe, fıskaldy saıasatty tıimdi júzege asyrý máselesine basa mán berý kerek. Bul rette Úkimet pen Ulttyq banktiń úılesimdi is-qımyldary asa mańyzdy.
