«Keshe el Prezıdenti tótenshe jaǵdaı kezinde memlekettik organdardyń jáne kvazımemlekettik sektordaǵy qyzmetkerlerdiń 70 paıyzyn qashyqtan jumys isteýge kóshirýge tapsyrma berdi. Basqa memlekettik emes jeke kásiporyndar da osy tártipke kóshýi qajet. Jumys barysy Eńbek kodeksiniń 138-shi babymen retteletin bolady. Mekemeniń, uıymnyń basshysy buıryq shyǵarady jáne jalaqy tóleý tirtibin ózgertpeıdi. Burynǵydaı atqarylǵan jumys úshin jalaqy tólenedi. Jekemenshik uıymdardyń basshylary ózderi buıryq shyǵarady, ári Eńbek kodeksine sáıkes aptadaǵy jumys kúniniń sanyn azaıtýǵa nemese bir jumys kúniniń ishindegi saǵatyn azaıtýǵa quqyǵy bar. Eger jumysshylardy qashyqtan jumys isteýge aýystyrý múmkindigi bolmasa, jumys berýshi óz tarapynan qysqartylǵan jumys ýaqytyn belgileýge quqyly. Mundaı jaǵdaıda ol Eńbek kodeksiniń 70-shi babymen retteledi», - dedi ol.
