Kúni keshe Ulttyq basketbol qaýymdastyǵynyń (UBQ) óner kórsetip júrgen Kevın Dıýranttyń koronavırýs dertine shaldyqqany belgili boldy. Bul oıynshyǵa biz beker toqtalyp otyrǵan joqpyz. 31 jastaǵy «Brýklın Nets» klýbynyń shabýylshysy biraz jyldan beri álemdegi eń úzdik basketbolshylardyń sanatynda. Dıýrant – UBQ-nyń (2017, 2018) eki dúrkin jeńimpazy jáne tórt ret (2010, 2011, 2012, 2014) sol jarystyń eń nátıjeli oıynshysy atandy. London men Rıo Olımpıadalarynda bas júldeni oljalap, 2010 jylǵy álem chempıonatynda top jardy. 10 márte UBQ-nyń «Juldyzdar matchynda» óner kórsetý qurmetine bólenip, eki ret (2012, 2019) eń qundy oıynshy bolyp tanyldy. Onyń boıy – 206 santımetr, salmaǵy – 109 kılo.
Keıbir derek kózderine sensek, dańqty Kevın Dıýranttan bólek, «Brýklın Netstiń» taǵy úsh oıynshysy koronovırýs dertin juqtyrǵan kórinedi. Alaıda olardyń esimderi áli atalǵan joq.
