Elbasy • 18 Naýryz, 2020

Elbasy koronavırýspen kúreske 200 mln teńge bólýdi tapsyrdy

61 retkórsetildi

Elimizde koronavırýstyq ınfeksııanyń taralýyna qarsy kúreske Qazaqstan Respýblıkasynyń Tuńǵysh Prezıdenti –­ Elbasy Qorynan 200 mıllıon teńge bólinedi. Bul týraly Elbasynyń baspasóz qyzmeti habarlady.

«Bul qarajat Nursultan Nazarbaevtyń tikeleı tapsyrmasymen bólinýde. Eldegi ahýal Elbasynyń jiti baqylaýynda.

«Búginde Qazaqstanda epıdemııaǵa qarsy is-sharalar tolyq kólemde júzege asyp jatyr. Bul áreketter qazirgi ahýalǵa saı jáne der kezinde qolǵa alyndy. Memleket teńdessiz sharalardy qabyldap otyr. Qaýipti indetpen kúreste otandyq bıznes te qoldan kelgenshe kómektesýde. Men bul bastamany qoldap, áleýmettik jaýapkershilik tanytýǵa jáne bizdiń qoǵamnyń birligin kórsetýge shaqyramyn. Biz barlyq synaqtan súrinbeı ótemiz. Biz birgemiz!», - delingen Qazaqstannyń Tuńǵysh Prezıdentiniń tapsyrmasynda.

Bólingen qarajat Nur-Sultan men Almaty qalalary ákimdikteri arasynda teńdeı úlestiriledi.

Qarjylyq kómek pandemııaǵa qarsy kúreske jumylǵan medısına qyzmetkerlerine syıaqy berýge, qosymsha medısınalyq betperdeler men dezınfeksııalaý quraldaryn satyp alýǵa  jumsalady. Sondaı-aq, qarajattyń bir bóligi elordadaǵy balalar úıleri men mamandandyrylǵan aýrýhanalardy azyq-túlikpen qamtamasyz etýge baǵyttalady.

Sonymen birge, Qor basshylyǵy Nur-Sultan qalasynyń Qoǵamdyq densaýlyq saqtaý basqarmasyna 50 myń medısınalyq betperde tapsyrdy» delingen habarlamada.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar