Parıjde ótetin aıtýly jarys 1891 jyldan beri uıymdastyrylyp keledi. 129 jyldyq tarıhy bar Rolan Garrostyń kortynda talaı juldyzdy oıynshylar jasyndaı jarqyraǵan. Solardyń arasynda Rafael Nadaldiń shoqtyǵy bıik. Bul kúnderi óreli ónerimen kópshilikti súıisindirip júrgen ıspandyq tennısshi osy dodada 12 márte dara shyqty. Sońǵy úsh týrnırde de Nadal top jardy. 2017 jyly ol shveısarııalyq Sten Vavrınadan basym tússe, 2018 jáne 2019 jyldary kanadalyq Domınık Tımge tize búktirdi. Áıelder arasynda Krıs Everttiń aldyna túser eshkim tabylmaı tur. О́tken ǵasyrdyń jetpis jáne sekseninshi jyldary atoı salǵan amerıkalyq arý jeti birdeı jarystyń jeńimpazy atandy. Byltyrǵy týrnırde avstralııalyq Eshlı Bartıdiń aıqyn jeńisimen aıaqtaldy. Fınalda ol chehııalyq Marketa Vondroýshovany utty.
Ústimizdegi jyly ótetin Rolan Garrostyń jalaýy 20 qyrkúıek pen 4 qazan aralyǵynda jelbireıdi dep kútilýde.
