Aımaqtar • 18 Naýryz, 2020

Almaty: Karantın kezindegi kommýnaldyq qyzmet sapaly bola ma?

60 retkórsetildi

Almaty qalasy ákimdiginiń baspasóz ortalyǵynda kommýnaldyq jáne avarııalyq qyzmetterdiń jumysyn qamtamasyz etý boıynsha onlaın-baspasóz konferensııasy bolyp ótti. Almaty qalasy energotıimdilik jáne ınfraqurylymdyq damý basqarmasynyń basshysy Áset Masabaev karantın kezinde energokeshende atqarylatyn jumystarmen tanystyrdy.

Karantın kezinde energokeshendegi barlyq mekemeler shtattyq rejımde jumys isteıdi eken.  Barlyq qyzmet kórsetý isteri, qyzmet aqysyn tóleý de onlaın-rejımde júrgiziledi.

Qalada sý, jylý, gaz jetkizetin túrli mekemeler bar. Tótenshe jaǵdaı kezinde olar barynsha sapaly qyzmet jasaýǵa tyrysady. Osy rette qalada ár mekemeden birikkende 100 apattyq top quryldy. Jumysshylardyń barlyǵy qaýipsizdikke baılanysty maskamen jáne qol jýatyn antıseptıktermen qamtamasyz etildi, – dedi basqarma basshysy.

Sonymen qatar taǵy bir aıta ketetin másele, búginde energokeshen qyzmetkerleri qashyqtyqtan jumys isteýge kóshken. «Almaty jylý jelileri», «Almaty sý», «Almaty qala jaryq» mekemeleri, tipti «Alataý jaryq» kompanııasy da onlaın-rejımde jumys isteıdi. «Búkil jumys qalypty jaǵdaıda bolady, sapa tómendemeıdi», ­– dedi Áset Masabaev.

Bir eskere ketetin jaǵdaı, qandaı jaǵdaı bolmasyn, qalalyq Open Almaty mekemesine nemese atalmysh basqarma telefondaryna turǵyndar habarlasatyn bolsa, olardyń suraqtaryna tolyq jaýap beriletin bolady. Basqarma mamandary turǵyndardy kommýnaldyq qyzmetpen qamtamasyz etýge tolyq daıyn.

– Bizge qarasty mekemelerde 4 myńnan asa qyzmetker bar. Bul – úlken kúsh. Sondyqtan bul máselede eshqandaı problema bolmaıdy dep senemin. Eger qandaı da bir avarııalyq jaǵdaı oryn alsa, biz ony tez arada qalpyna  keltirýge tyrysatyn bolamyz, – dedi basqarma basshysy.

ALMATY

Sońǵy jańalyqtar

Erlikti dáripteıtin qomaqty qor

Rýhanııat • Keshe

Eki qylmystyq top ustaldy

Aımaqtar • Keshe

Eltańba tarıhy talqylandy

Rýhanııat • Keshe

Uqsas jańalyqtar