Aımaqtar • 18 Naýryz, 2020

Jyl basynan beri iz-túzsiz joǵalǵan mańǵystaýlyq 14 adam úılerine oraldy

442 retkórsetildi

Mańǵystaý oblysy boıynsha Krımınaldyq polısııa basqarmasynyń qylmystyq izdestirý qyzmetkerleri 2020 jyldyń 18 jáne 19 naýryz aralyǵynda «Izdeý» jedel-aldyn alý is-sharasyn ótkizedi. Bul týraly Mańǵystaý oblystyq Polısııa departamentiniń baspasóz qyzmeti habarlady.

Is-sharanyń maqsaty – anyqtaý, tergeý, prokýratýra jáne sot organdarynan jasyrynǵan aıyptalýshylardy, seziktiler men sottalǵan azamattardy izdestirý, sondaı-aq, habar-osharsyz ketken adamdardy anyqtaý.

Tártip saqshylary eriktilermen birge turaqty túrde izdestirý jumystaryn júrgizedi. Árbir óńirde polısııanyń erikti izdeýshilermen erekshe baılanysy bar. Eriktiler izdeý úshin taptyrmas kúsh bolyp tabylady.

Jyl basynan beri Mańǵystaý oblysynyń aýmaǵynda azamattardyń habar-osharsyz joǵalýynyń 15 faktisi tirkeldi. Olardyń ishinde habar-osharsyz ketkenderdiń 14-i anyqtaldy.

Mysaly, 3 naýryzda úıden shyǵyp ketken Basqudyq aýylynyń turǵyny azamat M. krımınaldyq polısııa qyzmetkerleriniń jedel áreketteriniń arqasynda Aqtaý qalasynyń kóshesinde tabyldy.

14 naýryzda Aqtaý qalasynda turatyn R. esimdi azamatsha úıden ketip, oralmaǵan. Krımınaldyq polısııa qyzmetkerleri atalǵan azamattyń ornalasqan jerin anyqtady. Ol qaladaǵy qonaq úılerdiń birinen aman-esen tabyldy.

20 aqpanda Munaıly aýdany Atameken aýylynyń A. esimdi azamatshasy úıden shyǵyp ketip, qaıta oralmaǵan. Keıinnen ol Mańǵyshlaq aýylynan tabyldy.

Barlyq azamattar polısııa qyzmetkerleriniń tabandylyǵy men naqty is-qımyldarynyń arqasynda tabyldy.

 

Mańǵystaý oblysy

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar