Aımaqtar • 18 Naýryz, 2020

Mesenat Moldaseıitov koronavırýs saldarymen kúresýge 20 mln teńge aýdardy

116 retkórsetildi

Álemdi ábigerge salǵan koronavırýs saldary qarapaıym halyqqa da, kásipkerlerge de qıyndyq týǵyzyp otyr. Kásipkerlerdiń materıaldyq zardap shegip jatqany málim, degenmen múmkindigi shekteýli, áleýmettik jaǵdaıy az qamtylǵan, tolyq emes otbasylar kórip jatqan qıyndyqtarmen salystyrýǵa kelmes. Osy oraıda shymkenttik kásipkerler olarǵa qol ushyn sozýdy azamattyq paryzy sanapty.

«Atameken» kásipkerler palatasynyń О́ńirlik keńesiniń tóraǵasy Qaırat Moldaseıitov bastamashy bolyp, palata janynan qor ashylǵan.  Qorǵa «Otau Group» holdıngi atynan 20 mln teńge aýdaryldy. Aıta ketelik, Qaırat Moldaseıitov atalǵan holdıng prezıdenti. Kásipkerlerdi turmysy tómen otbasylarǵa kómektesýge úlgi kórsete otyryp, shaqyrǵan mesenat Moldaseıitov jınalǵan qarjy Shymkent qalalyq ákimdiktiń áleýmettik salaǵa jaýapty mamandarymen aqyldasa otyryp, muqtaj azamattarǵa úlestiriletinin málimdedi.

Sondaı-aq Shymkent qalasynda ashylǵan jańa «Otau med» klınıkasynyń salynýyna da kásipker Qaırat Moldaseıitov sebepshi bolyp otyr. Aqjaıyq shaǵyn aýdanyndaǵy turǵyn úılerdiń mańynan oryn tepken klınıka kópshilikke qýanysh syılady. Endi shaǵyn aýdan turǵyndary densaýlyǵyn tekserý nemese túzeý úshin alysqa shabylmaı, osy emhanaǵa júgine alady. Zaman talabyna saı jabdyqtalǵan kópsalaly emhana dırektory Aqyljan Pazılovtyń aıtýyna qaraǵanda, naýqastar ambýlatorlyq-emhanalyq kómektiń barlyq túrin ala alady. Klınıkada sıfrlyq júıede jumys isteýge basa nazar aýdarylǵan. Naýqastar medısınalyq ortalyqqa onlaın negizde jazyla alady. Sonymen qatar, elektrondy karta alǵan naýqastar dárigerdiń kestesin, taldaý jáne zertteý nátıjelerin onlaın túrde biledi. Iаǵnı naýqastar burynǵydaı kabınet aldyna saryla kezek kútip, júıkelerin juqartpaıdy.

«Bolashaqta emhana TMKKK sheńberinde 25 myń adamdy tirkep, bir aýysymda 300 adamǵa sapaly qyzmet kórsetýdi josparlap otyr. Jáne mindetti áleýmettik medısınalyq saqtandyrýdy júzege asyrmaq» dedi klınıka dırektory Aqyljan Pazılov.

foto

Osyndaı sapaly qyzmet kórsetetin klınıkanyń paıdalanýǵa berilýine muryndyq bolǵan Qaırat Quseıinuly árqashan jomarttyǵymen, darhan peıilimen el yqylasyna bólenip júrgen jan. Kezinde Arysta bolǵan apatty jaǵdaıdan keıin óńirdegi kásipkerler arasynan alǵashqy bolyp Qaırat Moldaseıitov zardap shekkenderge kómektesý maqsatynda óz qaltasynan 10 mln teńge bólip, ózgelerge úlgi kórsetken bolatyn. Klınıkanyń ashylý rásiminde qalalyq densaýlyq saqtaý basqarmasy basshysynyń mindetin atqarýshy Tımırhan Varzılov kásipkerge alǵysyn bildirdi. «Otau Group» kompanııasy jeke ınvestor retinde osy shaǵyn aýdanda klınıka saldy. Qazir jeke ınvestorlar osyndaı zamanaýı klınıkalardy salyp, ózderi jabdyqtap, densaýlyq saqtaý basqarmasyna naqty usynyspen shyǵa alady. Bul óz kezeginde memleket qarjysyn únemdeýge, ony tıimdi jumsaýǵa zor úlesin qosady. Aldaǵy ýaqytta osyndaı klınıkalar sany kóbeıedi dep senemiz» dedi T. Varzılov. 

Klınıkanyń ashylý saltanatynda qala ákiminiń orynbasary Erbol Sadyr lentany qıyp, medısınalyq mekemeniń jumysyna sáttilik tiledi. 

 

ShYMKENT

Sońǵy jańalyqtar

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar