PD kadr saıasaty basqarmasynyń bastyǵy, polısııa polkovnıgi Nurlan Bultaev bastaǵan birneshe polıseı balalar úıine dop, ústel tennısi, hokkeı, shahmat, taǵy da basqa tolyp jatqan sporttyq qural-jabdyqtardy tartý etti. Saqshylardyń syı-sııapatyn mekeme dırektorynyń tárbıe jumysy jónindegi orynbasary Elena Spasıýk qabyldap alyp, meımandarǵa aqjarma kóńilmen shynaıy alǵysyn bildirdi.
Polısııa departamenti 10 jyl boıy balalar úıine úzbeı qamqorlyq jasap, túrli qaıyrymdylyq sharalaryn uıymdastyryp keledi. Búginde balalar úıinde 3 jastan 18 jasqa deıingi 227 bala tárbıe alyp jatyr. Polıseıler olarǵa jyl on eki aıdaǵy árbir mańyzdy meıram qarsańynda alýan túrli baǵaly buıymdar tartý etýdi dástúrge aınaldyrǵan.
QOSTANAI
