Qoǵam • 18 Naýryz, 2020

Almaty qalasy Turǵyn úı saıasaty basqarmasy karantın kezeńine daıyn

37 retkórsetildi

Almaty qalasy Turǵyn úı saıasaty basqarmasy basshysynyń orynbasary Meıirjan Otynshıev qaladaǵy karantın kezeńindegi jaǵdaı týraly baıandady. 

«Almaty qalasynda 880 basqarý organy qyzmet kórsetetin 8494-ke jýyq kóppáterli turǵyn úı, 5465 lıft jabdyǵy, 4074-ten astam aýla bar. Bul – eldegi eń iri turǵyn úı qory ekenin atap ótý qajet.
«Turǵyn úı qatynastary týraly» Zańǵa sáıkes, kireberister, vestıbıýlder, holdar, dálizder, baspaldaq marshtary men alańdary, lıftiler, úı janyndaǵy jer ýchaskesi, abattandyrý elementteri jáne ortaq paıdalanylatyn basqa da múlik sııaqty kondomınıým obektisiniń bólikteri kondomınıým obektisiniń ortaq múlki bolyp tabylady. Bul rette kóppáterli turǵyn úıdiń ortaq múlkin tıisti túrde paıdalanýǵa jáne kútip-ustaýǵa, onyń ishinde dezınfeksııalaý, deratızasııalaý, dezınseksııalaý jáne úı mańyndaǵy aýmaqtardy sanıtarlyq tazalaý sııaqty qyzmetterdi kondomınıým obektisin basqarý organy, ıaǵnı páter ıeleriniń kooperatıvteri jaýapty.
Osyǵan baılanysty Turǵyn úı saıasaty basqarmasy aýdan ákimdikterimen birge Prezıdenttiń «Memlekettiń qyzmet etýiniń turaqtylyǵyn qamtamasyz etý jónindegi sharalar týraly» Jarlyǵyn oryndaý úshin jáne qalada karantın rejımin engizýdi eskere otyryp, Almaty qalasynda Páter ıeleri kooperatıvteriniń tóraǵalarymen birge koronavırýstyń taralý qaýpine baılanysty kireberisterdi zararsyzdandyrý quraldarymen dezınfeksııalaý arqyly kóppáterli turǵyn úılerdiń ortaq paıdalaný oryndarynda turǵyndardyń qaýipsiz bolýyn uıymdastyrý boıynsha jumys júrgizýde.
Azamattardyń qaýipsizdigin qamtamasyz etý maqsatynda qazirgi ýaqytta basqarý organdary koronavırýs ınfeksııasyn taratpaý jáne boldyrmaý maqsatynda kirý toptary, kireberister, baspaldaq alańdary, lıftiler jáne t.b. sııaqty ortaq múlik elementterin qosa alǵanda, irgeles aýmaqty kúndelikti óńdeýdi júrgizedi.
Sonymen birge, páter, turǵyn emes úı-jaıdyń ıesi ózine tıesili páterdi, turǵyn emes úı-jaıdy, sondaı-aq kondomınıým obektisiniń ortaq múlkin kútip-ustaý aýyrtpalyǵyn kóteredi.
Búgingi tańda árbir turǵynǵa aı saıynǵy jarnalardy ýaqytyly engizý arqyly óz úılerin kútip ustaý máselelerine belsendi qatysý óte mańyzdy. Dál osy jarnalar eńbekaqy tóleý qoryn jáne ortaq múlikti dezınfeksııalaý úshin qajetti qarajatty satyp alýdy qalyptastyrady. Ortaq paıdalaný oryndaryn ýaqtyly sanıtarlyq óńdeý mindeti ótkir qoıylyp otyr, sondyqtan biz turǵyndardy osy máselede barynsha jaýapkershilik tanytýdy suraımyz. Bizdiń jeke azamattyq sanamyzǵa búgingi tańda ár qala turǵynynyń densaýlyǵy táýeldi.
Eger Sizdiń basqarý organyńyz koronovırýs ınfeksııasynyń taralýyna qarsy áreket etý boıynsha tıisti sharalardy qabyldamaıtyn jaǵdaıda, Siz árqashan Turǵyn úı saıasaty basqarmasyna Sizge yńǵaıly formatta júgine alasyz – Open-almaty.kz saıtyna ótinish joldaýǵa, basqarmanyń resmı saıtynda ornalastyrylǵan nómirleri boıynsha, onyń ishinde uıaly telefondarǵa qońyraý shalýǵa bolady, sondaı-aq, biz Facebook jáne Instagram áleýmettik jelilerinde barmyz. Budan basqa, aýdan ákimdigine de júginýge bolady.
Sondaı-aq biz kondomınıým obektisin basqarýǵa jáne ortaq múlikti kútip-ustaýǵa qatysty qandaı da bir máseleler boıynsha turǵyndardyń jınalystaryn ótkizýden bas tartýdy suraımyz» dedi Meıirjan Otynshıev.

Sońǵy jańalyqtar

Beıqamdyqqa jol berilmeýi kerek

Rýhanııat • Búgin, 19:44

Úkimet syıaqy mólsherin belgiledi

Sport • Búgin, 19:42

Koronavırýssyz Qostanaı

Aımaqtar • Búgin, 19:27

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Bıznesti jalaqy salyǵynan bosatý kerek

Ekonomıka • Búgin, 18:47

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

El eńsesin kótergen málimdeme boldy

Rýhanııat • Búgin, 17:35

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Uqsas jańalyqtar