Aımaqtar • 19 Naýryz, 2020

Káriz sýy ma, jer asty sýy ma?

287 retkórsetildi

Mańǵystaýda Kaspıı teńizi men sý aıdynyna qatysty alýan másele oqtyn-oqtyn boı kórsetip keledi. Aqpan aıynda sýy qyzyl túske enip turǵyndardy bir dúrliktirgen teńiz jaǵalaýynda kóktemde taǵy bir másele «bas kóterdi». Bul – jaǵalaýdaǵy ǵımarattar mańaıyn sý basýy. Muny turǵyndar teńizdiń sýy emes, kásiporyn, mekemelerdiń káriz sýy dep qabyldady.

Artynsha Aqtaý qalasy­nyń turǵyny Kaspıı teńizine káriz sýy tógilip jatyr degen aqparatty uıaly telefony­na túsirip, tarap ketken bolatyn. Jaǵdaıǵa túsinik ber­­­gen Mańǵystaý oblysy eko­­­logııa departamenti bul aq­­paratty «rastalmaǵan» dep túsindirdi. Iаǵnı atalǵan de­partament ókilderi shý shyq­qan orynǵa – Aqtaý qalasy 1-shaǵyn aýda­­nyn­da ornalasqan «Tennıs orta­lyǵy» ǵımaraty mańyna ba­ryp, teńiz jaǵa­laýyna ká­­riz sýynyń emes, jer­as­ty sýynyń tógilgenin anyq­ta­ǵan.

– Teńizge káriz sýyn tógip jatqan mekemeler anyq­tal­ǵan joq. Te­ńizge jaqyn or­nalasqan qamystardyń ara­synan jerasty sýy jer be­tine shyqqan. Nátıjesinde, «Tennıs orta­ly­ǵy» ǵıma­ra­tynyń arty sýǵa tolyp qal­ǵan. Alaıda sol tus­taǵy «Ma­nıla» jáne «Nur plaza» demalys oryndarynyń dál ortasyndaǵy jer ýchaskesi kimge tıesili ekeni ázirge bel­gisiz, – deıdi oblystyq ekologııa departamentiniń bólim bas­shysy Erjan Jumashev.

Atalǵan jer ýchaskesine «Tennıs ortalyǵy» mekeme­siniń ókilderi de kelgen bolatyn. Olardyń aıtýynsha, buǵan deıin ǵımaratty jıi sý alyp ketetin jáne bul máseleni sportshylardyń ata-analary jıi kóterip, mekeme ákimshiligi naqty bir sheshimge kelgen-di. Arnaıy tehnıkanyń kómegimen qubyr júrgizilip, búginde aýmaq jerasty sýynan qutylǵan. Alaıda ósip turǵan qamystar biraz qıyndyq týǵyzyp otyr.

Máselege oraı «Qazgıdro­met» res­pýblıkalyq memle­kettik kásiporny Mań­ǵys­taý fılıalynyń ókilderi de te­ńiz jáne jerasty sýlarynan synama alǵan. Atalǵan me­kemeniń ınjener-hımıgi Gúlnara Ádilbaevanyń aı­­týyn­sha, 10 kún saıyn Kas­pıı te­ńizi jaǵalaýynda oryn tepken demalys oryn­da­rynyń tórt núktesi tekse­rilip otyrady. Iаǵnı sýdyń quramynda 29 komponent anyq­­talady. Al taldaý qo­ry­­tyndysy 5 kúnnen soń da­ıyn bolady.

Oblystyq ekologııa de­par­tamenti ókilderiniń aı­týynsha, aldymen teńiz jaǵa­laýyndaǵy «Manıla» jáne «Nur plaza» demalys oryn­darynyń ortasyndaǵy bos jat­qan jer ýchaskesiniń qo­jaıynyn anyqtap, túsindirý jumystaryn júrgizý qajet. Áıtpese bul jaǵdaıdyń qaı­talana berýi múmkin.

 

Mańǵystaý oblysy

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar