«Búginde jolaýshylar sany barlyq baǵyttar boıynsha tómendedi. Kúni keshe 30%-ǵa tómendese, búgin taǵy 10%-ǵa azaıdy. Osylaısha, jolaýshylar sany 40%-ǵa tómendedi», - deıdi Bekmyrza Igenberdınov. Sonymen qatar 19 naýryzdan bastap karantınniń engizilýine baılanysty barlyq baǵyttar boıynsha qoǵamdyq kólik sany azaıady.
«Qazir bizde avtobýstar sany 856 birlikti quraıdy. Erteńnen bastap 676 bolady, ıaǵnı 21%-ǵa azaıady. Qala jáne ekspress baǵytyndaǵy avtobýstar sany 775-ten 621 birlikke, ıaǵnı 20%-ǵa azaıady. Qala mańy baǵytyndaǵy avtobýs sany 81-den 55-ke, ıaǵnı 32%-ǵa azaıady. Qala mańyndaǵy baǵyttardyń sany 24. Olardyń 15 karantın aýmaǵyndaǵy aýyldarǵa qatynaıdy: Qosshy, Taıtóbe, Jibek Joly, Talapker, Qoıandy, Vozdvıjenka, Qyzylsýat, Malotımofeevka, Shubar, Ybraı Altynsarın jáne «Nurly» aýyldary. Taǵy 9 qala mańy baǵdary karantın aýmaǵyna kirmeıtin aýyldarǵa qatynaıdy. Sol sebepti olardyń qatynaýy ýaqytsha toqtatylady, ıaǵnı Aqmol, Qabanbaı batyr, Raqymjan Qoshqarbaev, Maksımovka, Arshaly, Jaltyrkól, Sofıevka aýyldaryna avtobýstar erteńnen bastap júrmeıdi»,- dedi seriktestik basshysy.
Sondaı-aq erteńnen bastap qalalyq, ekspress jáne qala mańyna qatynaıtyn baǵdarlar saǵat keshki toǵyzǵa deıin júretin bolady.
