Este bolsa, keshe qala ákiminiń orynbasary Erjan Babaqumarov Almatyda koronavırýs indetiniń oshaqtary bar ekenin málimdegen bolatyn. Infeksııanyń ary qaraı taraý tizbegin buzýdy usynatyn áreketter algorıtmi týraly tilge tıek etken Babaqumarov, naqty meken-jaılardy ataǵan joq.
Alaıda «Suńqar» turǵyn úı kesheni alǵashqy indet oshaǵy retinde oqshaýlanyp otyr. Atalǵan kópqabatty úıdegi qaýipti indet juqtyrǵandardyń naqty sany ázirge belgisiz.
Endi úı turǵyndarynyń dalaǵa shyǵýyna ruqsat joq. Keshen aýmaǵynda adamdardy qajetti taýarmen qamtamasyz etetin bir ǵana dúken qyzmet etetin bolady. Al taǵam men taýar jetkizgen jaǵdaıda kýrer tapsyrysty tórt baqylaý-ótkizý núkteleriniń birine tastap ketýi tıis.
