Qazaqstan • 19 Naýryz, 2020

Qarýly Kúshterdiń bıologııalyq qorǵanys bólimderi Almaty men Astanany dezınfeksııalaı bastady

24 retkórsetildi

Bul týraly qorǵanys mınıstriniń orynbasary Tımýr Dandybaev málimdedi.

«El basshylyǵy bizdiń azamattarymyzdyń densaýlyǵyn saqtaý jáne olardyń zańdy quqyqtarynyń saqtalýyn qamtamasyz etý mindetin qoıdy. Aldyn ala daıyndyq bizge qajetti kúshter men quraldardy daıyndaýǵa múmkindik berdi. Koronavırýstyq ınfeksııanyń taralýyn boldyrmaý úshin Qarýly Kúshterdiń bıologııalyq qorǵanys bólimderi arnaıy jabdyqtardyń kómegimen aýmaqtar men obektilerdi dezınfeksııalaı bastady»,  dedi T. Dandybaev OKQ brıfınginde.

Onyń aıtýynsha, áskerı medısınalyq mekemeler azamattardyń densaýlyǵyn qorǵaýda qajetti kómek kórsetýge daıyn. Ol úshin 24 medısınalyq jáne meıirbıkelik top qurylyp, Densaýlyq saqtaý mınıstrligimen ózara is-qımyl uıymdastyryldy.

«Áskerıler ishki ister organdarymen birlesip, eldi mekenderdi kúzetýge jáne Nur-Sultan men Almaty qalalarynyń karantındik aımaqtarynyń shekaralaryndaǵy ótkizý pýnktterin nyǵaıtýǵa qatysady. Biz azamattardyń kez-kelgen ótinishterine jaýap berýge jáne qolymyzdan kelgen kómekti kórsetýge daıynbyz. Qarýly Kúshter qabyldaǵan sharalardy túsinistikpen qabyldańyzdar», dep túsindirdi T. Dandybaev.

Eske salaıyq, karantındik rejım Nur-Sultan men Almatyda 19 naýryz saǵat 00: 00-den bastap engiziledi Bul sheshimdi Prezıdent janyndaǵy tótenshe jaǵdaı rejımin qamtamasyz etý jónindegi memlekettik komıssııa qabyldady.

Sonymen qatar, búkil Qazaqstan boıynsha tótenshe jaǵdaı jarııalandy.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar