QR Prezıdentiniń «Qazaqstan Respýblıkasynda tótenshe jaǵdaı jarııalaý» jarlyǵyn oryndaý maqsatynda, koronavırýs ınfeksııasynyń taralýymen kúresý shtabynyń sheshimimen jáne Almaty qalasyndaǵy bas memlekettik sanıtarlyq dárigerdiń 18.03.2020 j. №8 úkimimen qala aımaǵynda karantın jarııalandy. Jańa karantındik jaǵdaıǵa sáıkes qala ishindegi turǵyndardyń ómiri men sharýashylyq jáne basqa da «arnaıy» rejımge ótedi.
Infeksııany juqtyrǵandar turatyn páterler oqshaýlanyp, barlyq aýdany zalalsyzdandyrylady.
Atap ótetin jaıt, barlyq menshik úlgisindegi kásiporyndar men mekemeler COVID-19 vırýsyn juqtyrǵandarmen baılanysyp, oqshaýda qalǵan azamattardyń jumys orny men eńbekke jaramsyzdyq paraǵy boıynsha járdemaqysyn tóleýge mindetti.
Shekteý nemese tekserý sharalaryn ótkizý barysynda saqtyq sharalaryna erekshe mán beriledi. Qalalyq arnaıy qyzmet mekemeleriniń ókilderi jeke basty qorǵaý quralarymen jabdyqtalyp, blok-posttarda tazalyq saqtaý qurylǵylary ornatylady.
Sonymen qatar, úı karantınin saqtamaǵandar QR zańnamasyna sáıkes jaýapqa tartylady. Qala bıligi turǵyndardy tótenshe jaǵdaı rejımine túsinýshilikpen qarap, tártipke baǵynyp, asa qatty qajettiliksiz syrtqa shyqpaı, barlyq saqtyq sharalaryn oryndapýǵa shaqyrady.
Koronavırýs juqtyrǵandarmen baılanysta bolǵandar:
- turǵylyqty mekeninde nemese jumys ornynda vırýs juqtyrýshymen sońǵy kezdesken ýaqyttan bastap ınkýbasııalyq kezeń boıyna (14 kún ) ózin-ózi oqshaýlaý rejımin qatań saqtaý (úı karantıni, syrtqa shyǵýǵa tyıym salynady) qajet
- januıa músheriniń densaýlyǵyn jiti baqylaýda ustaǵan durys
- JRVI (dene qyzýy, tumaý, jótel) belgileri baıqalǵan jaǵdaıda jedel járdem gaqyrýy tıis
Suraqtar boıynsha táýlik boıy qyzmet kórsetetin koll-sentr – 1406 jáne Open Almaty – 1308 nómirlerine habarlasýǵa bolady. Eger aýrýdyń asqynǵan belgileri anyqtalǵan jaǵdaıda jedel túrde 382-33-50 nómiri boıynsha qalanyń sanıtarlyq-epıdemıologııalyq qyzmetine habarlasa alasyzdar.
Resmı aqparattardy Almaty qalasy ákimdigi saıty men áleýmettik jelidegi paraqshalarynan alýǵa bolady. Qosymsha aqparat StopcovAlmaty telegram paraqshasynan tabasyzzdar.
Eske salaıyq, 19 naýryzdan bastap Nur-Sultan men Almaty qalalarynda karantın jarııalandy. Qalaǵa turǵyndardyń kirip-shyǵýy shekteldi.
ALMATY
