Aımaqta koronavırýs indetin juqtyrǵandar joq. Sondyqtan taýarlar men kórsetiletin qyzmetterdiń sapasy men qaýipsizdigin baqylaý departamenti azamattarǵa arandatýshylyqqa jol bermeýdi, tek resmı aqparatqa senýdi suraıdy.
Oblystyq PD baspasóz qyzmetiniń málimdeýinshe, 36 jastaǵy Qarabalyq aýdanynyń turǵynyna qatysty QR QK-niń 274-baby 2-bólimi boıynsha «buqaralyq aqparat quraldaryn paıdalana otyryp kórineý jalǵan aqparatty taratý» boıynsha sotqa deıingi tergeý bastalǵan.
Kúdikti óziniń otbasy Germanııadan kelisimen olardyń Qarabalyq aýdanynyń aýrýhanasyna jatqyzylǵany týraly aqparat taratqan. Tergeý barysynda onyń otbasynyń Germanııaǵa barmaǵany, qazirgi ýaqytta barlyǵynyń tórt kózi túgel aman-saý ekeni anyqtalǵan.
- Jalǵan aqparat taratqandarǵa zań boıynsha úsh myń aılyq eseptik kórsetkishke deıingi mólsherde aıyppul salynady. Nemese sol mólsherde túzeý jumystaryna, ne segiz júz saǵatqa deıingi merzimge qoǵamdyq jumystarǵa tartylady. Tipti, úsh jylǵa deıin bas bostandyǵynan aıyrý sharasy qoldanylýy múmkin, - dedi Qarabalyq aýdanynyń polısııa bóliminiń bastyǵy Nurjan Ahmetov.
Koronavırýs týraly jalǵan aqparat taratý deregi Denısov aýdanynda da tirkelegn. Bul is qazir sotqa deıingi óndiriste qaralyp jatyr.
Qostanaı
