Aımaqtar • 19 Naýryz, 2020

Qyzylorda: Talaptyń oryndalýy baqylaýda bolady

255 retkórsetildi

Qyzylorda qalasynyń ákimi Nurlybek Nálibaev tótenshe jaǵdaıǵa baılanysty saqtyq sharalarynyń saqtalýyn qadaǵalaý maqsatynda oblys ortalyǵyndaǵy adam kóp shoǵyrlanatyn birqatar nysandardy aralady. Bul týraly qala ákiminiń baspasóz qyzmeti habarlaıdy.   

Qala basshysy aldymen halyqqa qyzmet kórsetý ortalyǵyna bardy. Jalpy «Azamattarǵa arnalǵan úkimet» memlekettik korporasııasynda 642 memlekettik qyzmet túri bar, onyń 608 qyzmeti elektrondy túrde kórsetiledi. Sondaı-aq turǵyndar birińǵaı baılanys ortalyǵyna qońyraý shalý arqyly da qajetti aqparat alady. Munda qaýipsizdik sharalarynyń talapqa saı emestigin eskertken qala basshysy ortalyq dırektoryna turǵyndardy birtindep kirgizip, ǵımaratqa dezınfeksııalyq zattar qoıýdy  qatań tapsyrdy.

Shahar basshysy qala ortalyǵyndaǵy «Qazpochta» bólimshesi ǵımaratynyń da sanıtarlyq jaǵdaıyn synǵa alyp, turǵyndarǵa arnalǵan kútý zaldary men esik aldy laıyqty jasaqtalmaǵanyn aıtty.  

Odan ári «Qorqyt ata» jáne «Qyzylorda» saýda ortalyqtarynyń jalǵa alýshylarymen kezdesip, qazirgi jaǵdaıdy túsindirip ótti. Bazar basshylaryna halyqtyń kelip ketýi men jumys jasaýyna qolaıly jaǵdaı jasap, sanıtarlyq qaýipsizdik sharalaryn kúsheıtip, azyq-túlik ónimderiniń baǵasyn turaqty ustap turýdy júktedi.  

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar