Aımaqtar • 19 Naýryz, 2020

Almaty qalasyndaǵy mýzeıler jumysy ýaqytsha toqtady

774 ret

kórsetildi

1 mın

oqý úshin

Endigi kezekte Almaty mýzeıleri Facebook, Instagram, Youtube áleýmettik jelilerinde baılanysqa shyǵady. «Biz bul sheshimdi álemde oryn alyp jatqan COVID19 vırýsyna qatysty sońǵy jaıttarǵa baılanysty qabyldap otyrmyz. Qyzmetkerlerimiz ben qonaqtarymyzdyń densaýlyǵy men qaýipsizdigi bizdiń basty basymdyǵymyz bolyp tabylady. Qazirgi ýaqytta mýzeıler óz esigin qashan ashatynyn aıta almaımyz, alaıda sıfrlyq kanaldar arqyly sizdermen baılanysty úzbeýge tyrysamyz», dep atap ótti «Almaty qalasy mýzeıler birlestigi» KMQK dırektory A.Úmbetalıev.

Elvıra SERIKQYZY

Almaty qalasyndaǵy mýzeıler jumysy ýaqytsha toqtady

Mýzeıler jabyq turǵan ýaqytta kelýshilermen baılanysta qalý úshin biz sıfrlyq mazmunda jumys isteıtin bolamyz. Iаǵnı, mýzeıge kelýdi talap etpeıtin joldar arqyly mýzeıler kolleksııalarymen, foto-vıdeo materıaldarmen bólisip otyramyz.

Osyǵan oraı, Facebook, Instagram, Youtube áleýmettik jelilerinde Almaty mýzeıi – almatymuseum; Yqylas atyndaǵy halyq mýzykalyq aspaptar mýzeıi – ykhlas_museum; S. Muqanov pen Ǵ. Músirepovtyń ádebı-memorıaldyq mýzeı kesheni - muzey_s.g.m; D.A. Qonaev mýzeıi – museumkunaev; N. Tilendıevtiń memorıaldyq mýzeıi – tlendiyev_museum; Mýltımedııalyq dástúrli mýzyka ortalyǵy – multimedia_center arqyly mýzeıler qorymen tanysýǵa bolady.

Mýzeılerdiń jumys josparlary, kórmeler ashylǵannan keıingi ýaqytta qarastyrylady. Qosymsha aqparat alý úshin razvitiya.muzey.01@mail.ru jáne 267-59-05 telefon nómirleri arqyly habarlasý qajet.

ALMATY