«Almatylyq partııalastar men eriktiler kommýnaldyq sala qyzmetkerlerine arnap kóp ret qoldanýǵa arnalǵan betperdeler tikti.
Joǵary temperatýrada zararsyzdandyrylyp, sarapshylardyń zertteýinen ótken betperdeler arnaıy konvertke salynyp joldandy.
Bul aıryqsha aksııanyń birinshi kúni partııanyń jastar qanaty volonterleri júzden astam qorǵanys quraldaryn taratyp úlgerdi.
– Árıne, bul teńizge tamǵan tamshy ǵana. Biraq bul bastama arqyly biz betperde daıyndap shyǵarýshylardy áleýmettik jaýapkershilikke shaqyrǵymyz keldi. Tym bolmasa, árbir tigin sehy tegin 50 betperde taratatyn bolsa, qoǵamdaǵy suranys azaıatyn edi, - deıdi ıdeıa avtory Bıbınur Sherbaeva.
Belsendiler betperdelerdiń sapasy jóninde medısına qyzmetkerlerimen birneshe ret keńeskenderin atap ótti. Bul betperdelerdi úsh saǵat paıdalanǵan soń jýyp, birneshe ret qaıta paıdalanýǵa bolady. Eń bastysy jýǵannan keıin termııalyq óńdeýden ótkizý kerek» delingen habarlamada.
