Qoǵam • 18 Naýryz, 2020

Tótenshe jaǵdaı: ForteBank nesıe tóleýde jeńildikter usynady

19 retkórsetildi

ForteBank qıyn jaǵdaıdaǵy klıentterine qoldaý kórsetý maqsatynda jáne Úkimet pen Qarjy naryǵyn retteý jáne damytý agenttiginiń sharalaryn eskere otyryp, jeke tulǵalarǵa klıentterdiń ótinishteri negizinde nesıelik mindettemelerdi 90 kúnge deıin keshiktirýge bolatynyn habarlaıdy.

  1. Bank tótenshe jaǵdaılar kezinde jeke tulǵalarǵa nesıesin ýaqtyly ótemegeni úshin aıyppuldar men ósimpuldardy eseptemeıdi.

Jeke tulǵalarǵa kepilsiz nesıe berý úshin 90 kúnnen astam merzimge syıaqy esepteý toqtatylady.

Al jeke kásipkerler men ShOB sýbektilerine bank jekelegen negizde nesıe boıynsha mindettemelerdi 90 kúntizbelik kúnge deıin keıinge qaldyrýdy usynady.

Keıinge qaldyrý múmkindigi Qazaqstandaǵy tótenshe jaǵdaıǵa baılanysty shekteýlerdiń engizilýine baılanysty qarjylyq jaǵdaıy nasharlaǵan jeke kásipkerlerge jáne shaǵyn jáne orta bıznes ókilderine beriledi.

«Bıznestiń Jol kartasy-2020», «Bıznestiń Jol kartasy-2025» memlekettik baǵdarlamalary aıasynda kásipkerligin bastaǵan zańdy tulǵalar qaryzdy keıinge qaldyrý úshin «DAMÝ» RKQ-men qosymsha kelisý qajet bolady.

ForteBank baspasóz qyzmetiniń aqparatynsha, klıentterge bankke habarlasý úshin fılıalǵa arnaıy kelýdiń qajeti joq.

Vırýstyń taralýyn shekteý maqsatynda ForteBank sıfrlyq baılanys quraldary negizinde jumys aǵynyn veb-saıt, mobıldi qosymsha, elektrondyq poshta arqyly uıymdastyrady.  

Jeke tulǵalar, sondaı-aq, jeke kásipkerler men ShOB sýbektileri ózderiniń ótinishterine qarjylyq jaǵdaıynyń nasharlaýyn rastaıtyn skanerlengen qujattardy qosa berýi qajet.

Tolyq nusqaýlar men talap etiletin qujattardyń naqty tizimi jaqyn arada banktiń resmı saıtyna jarııalanady.

"ForteBank barlyq klıentterine aqparattyq jáne keńestik qoldaý kórsetedi. Qazirgi ýaqytta qarjy uıymy klıentterine úzilissiz qyzmet kórsetý úshin operasııalyq bólimshelerdi jappaý týraly sheshim qabyldady. Sonymen qatar sanıtarlyq sharalardy barynsha kúsheıtti jáne klıentter barlyq saýal boıynsha ýaqtyly aqparat alýy úshin call-ortalyqtaryn kóbeıtti" delingen habarlamada.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar