«1406 baılanys ortalyǵynyń operatorlary osyndaı mańyzdy kezeńde halyqqa densaýlyqty nyǵaıtý jáne aǵzany qorǵaý, kúdikti sımptomdar baıqalǵanda qalaı áreket etý sharalary boıynsha keńes berý daıyndyǵynan ótti.
«Qazirgi ýaqytta Medısınalyq saqtandyrý qorynyń Nur-Sultan qalasy boıynsha fılıalynyń qyzmetkerleri dárigerler men turǵyn halyqqa qoldaý bildirý maqsatynda kúsheıtilgen tártipte jumys isteýde. 1406 baılanys ortalyǵyna tartylǵan. Operatorlar syrqattanyp qalǵan jaǵdaıda qaıda barý kerek, qandaı sımptomdarǵa nazar aýdarý kerek ekenin, taldaýlardy (analızderdi) qaıda tapsyrýǵa bolatynyn túsindiredi.
О́zderińiz bilesizder, Úkimet pen ýákiletti organdar qabyldap jatqan sharalar halyqty qorǵaýǵa baǵyttalǵan. Alaıda, qoǵamdyq oryndarǵa barý, kóshede sebepsiz júrý densaýlyqqa qaýip tóndiretinin sanaly azamattar túsinýi kerek. Sondyqtan, elordalyqtardy erekshe jaǵdaıǵa kóńil bólýge, birigip, bir-birimizge kómek qolyn sozýǵa, vırýs juqtyrýdan saqtanyp, onyń aldyn alýǵa, tazalyq-gıgıena sharalaryn ustanýǵa, sabyrmen, uıymdasa áreket etýge shaqyramyz» - deıdi «Medısınalyq saqtandyrý qory» KEAQ Nur-Sultan qalasy boıynsha fılıalynyń dırektory Aıdar Seıitqazınov.
Esterińizge sala keteıik, óz suraqtaryńyzdy 1406 operatorlaryna Qoldau 24/7 mobıldi qosymshasy arqyly da joldaýyńyzǵa bolady. Joldanymǵa tirkeý nómiri beriledi, sodan keıin Siz ózińizdiń jeke kabınetińizde onyń mártebesin teksere alasyz» delingen habarlamada.
