Almaty qalasynda koronavırýs ınfeksııasyn taratýǵa jol bermeý jónindegi óńirlik shtabtyń sheshimi boıynsha Almaty qalasynyń Memlekettik bas sanıtarlyq dárigeri mindetin atqarýshynyń qaýlysymen aǵymdaǵy jyldyń 17 naýryzynda sanıtarlyq-kýrorttyq jáne saýyqtyrý mekemeleriniń basshylaryna osyǵan qatysty buıryq berildi.
Habarlamada Almaty qalasy turǵyndarynyń arasynda COVID-2019 ınfeksııasynyń taraý qaýpine jol bermeý jáne QR Prezıdentiniń «Tótenshe jaǵdaıdy engizý týraly» Jarlyǵy aıasynda sanıtarlyq-kýrorttyq jáne saýyqtyrý mekemeleriniń basshylary barlyq demalýshylardy turǵylyqty jerlerine jiberýleri tıis ekendigi aıtylǵan.
Qalada koronavırýs juqtyrý oshaqtary bar. Almaty qalasynda koronavırýs ınfeksııasynyń taraýyna jáne juqpaly derttiń ózge aımaqtarǵa taraýyna jol bermeý maqsatynda aǵymdaǵy jyldyń 19 naýryzynda qalaǵa karantın engizildi. Syrttan kelgen barlyq demalýshylar megapolıs aýmaǵynan shyǵýlary tıis.
Jalpy koronavırýs ınfeksııasynyń taýaryna jol bermeý úshin jeke profılaktıkany qatań saqtaǵan jón:
- qoldy jıi jýý jáne antıseptıkti qoldaný. Qoldy árbir jarty saǵat saıyn 20 sekýnd boıyna sabynmen jýý qajet. Eger jaqyn mańda qoljýǵysh, sabyn bolmasa, onda mıkrobty óltiretin qarapaıym antıseptıkti paıdalaný qajet;
- bólmeni jıi jeldetken jón;
- qoǵamdyq oryndarǵa barýdy shekteý qajet;
- qolalysýdan jáne jaqyn baılanystan aýlaq bolǵan jón;
- ımmýnıtetti kúsheıtý kerek;
- JRVI nemese tumaǵa qatysty belgiler baıqalsa, jaısyzdyq sezilse, qurǵaq jótel paıda bolsa, onda dereý emhanadan dárigerdi nemese «jedel járdemdi» shaqyrý qajet. Budan ózge, adamdar kóp jınalatyn jerlerge barmaǵan jón, qajet bolmasa syrtqa shyqpaǵan jáne qoǵamdyq kólikti paıdalanbaǵan durys.
Anyqtama alý úshin 1406 nómiri arqyly táýlik boıyna jumys isteıtin call-ortalyqqa habarlasý qajet.
ALMATY
