Tennıs federasııasynyń habarlaýynsha, qor 200 mln teńgege adam aǵzasynda covid-19 vırýsynyń bar-joǵyn anyqtaıtyn jedel-test satyp alady jáne Densaýlyq saqtaý mınıstrligi jáne basqarmalarymen birlese otyryp, saraptama jasaıtyn mobıldi pýnktilerdi uıymdastyrady.
Densaýlyq saqtaý basqarmasy Nur-Sultan jáne Almaty qalalarynda jedel saraptama jasaıtyn 10 mobıldi toptan uıymdastyrady. Top adamdar kóp jınalatyn jerde jumys isteıdi. Atap aıtar bolsaq, dárihanalarda, sýpermarketterde, qoǵamdyq kólik aıaldamalarynda jáne temirjol vokzaldarynda.
«Jedel-testterdi uıymdastyra otyryp, Bolat О́temuratov qory men onyń quryltaıshysy elimizde koronavırýs ınfeksııasyna qarsy kúreske óz úlesterin qosady. Birinshiden, biz vırýs juqtyrǵandardy ýaqytyly anyqtap, emdeýge jiberemiz. Ekinshiden, vırýstyń taralýyn shekteımiz. Úshinshiden, vırýsqa tapsyrǵan test teris nátıje kórsetken adamdarǵa óziniń jáne jaqyndarynyń densaýlyǵyna alańdamaýǵa kómektesemiz», dedi B.О́temuratov qorynyń dırektory Marat Aıtmaǵambetov.
