Atalǵan mekeme qurylǵannan beri 44 mıllıard teńgeden astam qarjyny quraıtyn 69 jobany júzege asyrǵan. Búginde óńirde azyq-túlik qaýipsizdigin qamtamasyz etý maqsatynda turaqtandyrý qory jumys isteıdi desek, onda un, kúrish, qaraqumyq, qant, sábiz, pııaz, ósimdik maıy, jumyrtqa jáne ózge de osy sekildi ónimder saqtalýda. Qordaǵy bul ónimder iri saýda núktelerinen basqa kommýnaldyq bazarlar men áleýmettik dúńgirshekterde de satylýda eken.
Alaıda, Jambyl oblysynyń ákimi Berdibek Saparbaev birneshe ret «Taraz» ÁKK basshylyǵyna eskertý jasap, jumysyna kóńili tolmaıtynyn aıtqan. Áýeli elimizde tótenshe jaǵdaı engizilgen ýaqytta nan, kartop, kúrish, qant sekildi áleýmettik mańyzy bar azyq-túliktiń qymbattap ketýine baılanysty da Núrken Shárbıevke syn aıtylǵan. Mine, mundaı syn árbir jıyn arqyly aıtylyp keledi. «Taraz» áleýmettik-kásipkerlik korporasııasynyń qyzmeti óńirdiń áleýmettik-ekonomıkalyq damýy úshin erekshe mańyzǵa ıe. Sondyqtan ol tıimdi jáne nátıjeli uıymdastyrylýy tıis. О́kinishke oraı, ondaı qarqyn baıqalmaıdy», dedi taǵy da ákim. Sondaı-aq, Berdibek Saparbaevtyń aıtýynsha, korporasııa oryn alyp jatqan ekonomıkalyq úderister men syn-qaterlerge, naryqtyq qatynastardyń aǵymyna jáne tutynýshylyq qajettilikterge naqty jaýap berýde belsendilik tanyta almaı otyr. О́ńirge ınvestısııa tartý, bıznes-bastamalardy qoldaý boıynsha da tıisti jumystar álsiz. Ákimniń korporasııa basshylyǵyna qaratyp «Siz aýyl turǵyndarynyń turmystyq tabysyn arttyrý jónindegi pılottyq jobany uıymdastyrýshylardyń biri bolyp tabylasyz. Úkimet bul maqsatqa tıisti qarajatty bóldi. Alaıda, aýyldyqtar osy aqshany tez jáne tıimdi ıgerý isinde sizderdiń taraptan tıisti kómek oıdaǵydaı kórsetilmegen. Júktelgen mindetti qyzmetkerlerińiz sońǵy ýaqytqa deıin irkilispen áreń oryndady», degeni taǵy bar. Sonymen qatar, «Taraz» ÁKK basshylyǵy tarapynan turaqtandyrý qorynyń ónimderin satýda tıisti baqylaý joq jáne áleýmettik pavılondardyń jumysy da durys jolǵa qoıylmaǵan. Jáne olardyń kópshiligi demalys kúnderi jabyq turady eken.
Jambyl oblysy
