- Fılarmonııanyń jekelegen ártisteri Naýryz qarsańynda fılarmonııanyń akkaýnty arqyly jelide onlaın-konsertter berý týraly bastama kóterip, biz ony qoldap otyrmyz. Bul konsertter, birinshiden, fılarmonııanyń akkaýntynda tikeleı efırde ótedi. Sodan keıin ony oblystyq telearna jazyp alyp, mereke kúnderi óz efıri arqyly qaıtalap kórsetedi. Muny árkim árqalaı túsiner, keıbir aǵaıyn osylaı dúrligip jatqanda konserttiń keregi ne deýi múmkin. Biraq qazir halyqtyń kóbi úıde otyr, balalarymen demalysta otyrǵandar bar, onyń ústinde qazirgideı indet tarap jatqan jaǵdaıda alańdap otyrǵan eldiń kóńilin sergitip, demeý kórsetýimiz kerek. Basty maqsatymyz – osy. Bul jerde áńgime tek qana jekelegen solıster týraly bolyp otyr. Olardyń konsert berý kestesin jasadyq, keminde 4-5 konsert beremiz, - dedi Mádenıet basqarmasynyń basshysy Erlan Qalmaqov.
Naýryz merekesi qarsańynda oblys turǵyndary Manap Qadyrov, Talǵat Moldaǵalıev sııaqty dástúrli ánshiler men jekelegen kúıshilerdiń ónerin tamashalaıtyn bolady.
Qostanaı oblysy
