Prezıdent • 19 Naýryz, 2020

Qasym-Jomart Toqaev Nur-Sultan qalasynyń kireberisine qoıylǵan baqylaý-ótkizý beketine bardy

204 retkórsetildi

Memleket basshysy koronavırýs pandemııasynyń taralýyna baılanysty elimizde Tótenshe jaǵdaı jarııalanyp, elordada karantın  engizilgennen keıin Jibek joly aýyly mańyna qoıylǵan №6 baqylaý-ótkizý beketine baryp, jumysymen tanysty. Bul týraly Aqordanyń baspasóz qyzmeti habarlady.

Qazaqstan Prezıdenti karantın rejımin qamtamasyz etetin qala ákimdiginiń, densaýlyq saqtaý, ishki ister organdarynyń, Qorǵanys mınıstrligi men Ulttyq gvardııanyń áskerı qyzmetshileriniń daıyndyǵyna oń baǵa berdi.

Qasym-Jomart Toqaev elorda ákiminiń, Densaýlyq saqtaý, Ishki ister, Qorǵanys mınıstrleriniń koronavırýs indetine qarsy kúresý úshin qabyldaǵan sharalary jaıyndaǵy esepterin tyńdady.

Elimizdegi medısına qyzmetkerleriniń pandemııaǵa qarsy kúrestegi aýyr eńbegin atap ótken Memleket basshysy, olarǵa rızashylyǵyn bildirip, eńbekaqylary men syıaqylaryn ýaqytyly ári tolyq kólemde berýdiń mańyzdy ekenin atap ótti.

Prezıdent Qasym-Jomart Toqaev Premer-Mınıstr Asqar Mamınge  asa qolaısyz álemdik konıýktýra jaǵdaıynda ekonomıkany basqarýdyń jańa ádisterin ázirleý qajettigin aıtty.

– Kez kelgen qolaısyz jaǵdaıǵa, tipti asa kúrdeli ahýalǵa, sondaı-aq, ekonomıkany mobılızasııalaıtyn qadamǵa da ázir bolýymyz kerek. Qysqasy, saqadaı saı bolǵan jón, – dedi Qasym-Jomart Toqaev.

Memleket basshysy Qorǵanys mınıstrliginiń áskerı qyzmetshilerine, Ishki ister mınıstrligi men basqa da vedomstvo qyzmetkerlerine tabys tilep, karantın engizýdiń sebepterin túsindirdi.

– Qazirgi jaǵdaıda karantın engizbese bolmaıdy. Álemde ne bolyp jatqanyn kórip otyrsyzdar. Mundaı kezde naqty áreket jasap, uıymshyldyq tanytý kerek. Sondyqtan karantın engizý sııaqty tásilderdi qoldanýǵa týra keledi. Azamattarymyz qabyldanǵan sharalarǵa túsinistikpen qaraıdy dep oılaımyn. Munyń bári halqymyzdyń densaýlyǵyn saqtaý úshin istelip otyr, – dedi Memleket basshysy.

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar