Ulttyq bank tóraǵasy Qazaqstannyń qor bırjasyndaǵy «teńge-dollar» saýdasy kezinde Frankfýrt aýksıony ádisin ýaqytsha engizý, sondaı-aq, qarjylyq turaqtylyq pen iskerlik belsendilikti saqtaý maqsatynda aqsha-kredıt saıasatyna qatysty qabyldanǵan sharalar jaıynda baıandady.
Memleket basshysy valıýta naryǵyndaǵy jaǵdaıdy turaqtandyrý úshin Ulttyq banktiń, Úkimettiń jáne ulttyq holdıngterdiń úılesimdi jumys júrgizip, tıimdi sheshimder qabyldaýynyń mańyzdylyǵyn atap ótti.
Qasym-Jomart Toqaevtyń pikirinshe, ınflıasııa deńgeıiniń ósýine qarsy jumystarǵa erekshe nazar aýdarý kerek.
Kezdesý qorytyndysy boıynsha Prezıdent otandyq kásiporyndarǵa nesıe berýge, olardyń operasııalyq qyzmetin qarjylandyrýǵa qatysty keshendi qoldaý sharalaryn qabyldaýdy tapsyrdy.
