«Sheshý joldaryn tabý turǵysynan kúrdeli bolyp otyrǵan qazirgi ahýal bir jaǵynan 1990-shy jyldardyń basyndaǵy jaǵdaıǵa uqsaıdy. Ol kezde biz shyn máninde óte qıyn jaǵdaıda bolǵan edik»,- dedi elimizdiń Tuńǵysh Prezıdenti N.Nazarbaev.
Elbasy osyndaı aýyr kezeńde barlyq qazaqstandyqtardy el Prezıdenti Qasym-Jomart Toqaev pen Úkimet tarapynan iske asyrylyp jatqan shuǵyl sharalardy qoldaýǵa shaqyrdy.
«El bıligi koronavırýstan qorǵaný úshin onyń aldyn alýǵa baǵyttalǵan keshendi sharalar qabyldady. Bul rette tótenshe jaǵdaıdyń jarııalanýy – mańyzdy jáne qajetti qadam. Ondaǵy maqsat – bizdiń azamattarymyz ben memleketimizdiń múddesin qorǵaý»,- dedi Elbasy.
