Aımaqtar • 20 Naýryz, 2020

Keleshektegi kásipkerlikke qadam

53 retkórsetildi

О́.Sultanǵazın atyndaǵy Qostanaı memlekettik peda­go­gıkalyq ýnıversıtetinde Bıznes – ınkýbator U – Smart ınnovasııalyq ortalyǵynyń qurylǵanyna bir jyl boldy. Bul asa kóp ýaqyt emes, biraq ortalyqqa stýdentter jıi jınalady. Bilim sońynda júrgen stýdenttiń maqsaty kóp. Búgingi jastar kúndelikti dáris tyńdap, sonyń aıasynda ǵana semınar sabaqtaryna daıyndalýdy mise tutpaıdy. Ustazdyqty qalap kelgen stýdent bilim alýmen birge óz kásibin ashýdy da armandaıdy. Al arman sharq uryp izdengende ǵana qol jeter bıik ekenin ár stýdent jaqsy túsinedi. Bilim ordasyndaǵy Bıznes – ınkýbator U – Smart ınnovasııalyq ortalyǵy osyǵan múmkindik jasap otyr.

Stýdentter arasynda óziniń qyzyqty bastama­la­ryn kásipke aınaldyrýdy oılaıtyn, ony túrli baı­qaýlarǵa salyp, baǵyn synap kórgender de az emes. Dıa­na Temirhanova bolashaq kási­bin bilim berý salasy aıasynda damytqysy keledi. Ol qa­zirdiń ózinde Qazaqstan má­de­nıeti týraly aǵylshyn ti­­linde mýltfılmder serııa­syn jasady. Pavlodar qala­syn­da ótken elimizdiń jo­ǵary oqý oryn­da­rynyń rektor­lar ke­ńe­sin­de jobany qar­jy­landyrýǵa usy­nys berdi.

– Maqsatym, jobadan tabys tabý emes, baldyrǵandarǵa aǵyl­shyn tilin úıretýdiń tıimdi jolyn tabý jáne týǵan ólkeniń tabıǵatyn, halqymyzdyń salt-dás­túrin, mádenıetin jas kezinen balanyń qulaǵyna quıý, júregine jetkizýge talpynys bolatyn, – deıdi joba avtory Dıana Temirhanova. Sonymen qatar bolashaq ustazdar Anna Seroýs pen Dıana Savına da bolashaqta kásibin bilim berý salasymen baılanys­­­tyrýdy oılaıdy. Qyzdardyń Amıkýs chat dep atalatyn jobasy áleý­mettik jelige tańylyp, onyń teris áseriniń salqynyna tap bol­­ǵan jasóspirim balalarǵa psı­­hologııalyq kómekke keledi. Joba avtorlary birneshe ret baı­qaýlarǵa qatysyp, jeńimpaz atandy. Nur-Sultan qalasynda ótken Tech Central, Almaty qa­lasynda ótken Asia ZhasCamp baı­qaýlarynda akselerasııalyq baǵ­darlamalarǵa qatysyp, fı­nal­ǵa jetýi olardy qanattandyra tús­ti.

– Bizdiń stýdentter kásip­kerlikke talpynǵanda, munyń olarǵa bolashaqtaǵy tabys kózi bolýy belgili jaıt. Biraq jas­tarǵa da, qoǵamǵa da olardyń ta­bysqa jetýge deıingi izdenis jol­dary óte mańyzdy der edim. О́ıtkeni bizdiń rezıdentterimiz qoǵamdaǵy ózgeristerdi, ekono­mıkany, áleýmettik salany hal-qaderinshe zertteı otyryp, ómirdiń barlyq salasynan ózekti degen taqyrypty tańdaıdy. Sol boıynsha utymdy ıdeıalaryn ortaǵa salady. Al ózderi ja­saǵan jobamen konkýrstarǵa qatys­qanda, stýdentter kótergen máseleler iriktelip, eń qajettisi ǵana qarjylandyrylý arqyly ómirge joldama alady, – deıdi ýnıversıtettegi Bıznes – ınkýbator U – Smart ortalyǵy kom­mer­sııalandyrý ofısiniń jetek­shisi Natalıa Soloveva.

Qazir bilim ordasynyń Bız­nes-ınkýbator ortalyǵy 19 bi­lim baǵdarlamasy ókilderin, 50 re­zıdentti qamtyp otyr. Olar­dyń kúshimen 20 joba jú­­ze­ge asyrylady. Oqýmen qa­tar kásipkerlikke talpynǵan jastardyń izdenisteri de ár­alýan­dyǵymen súısintedi. Onyń arasynda tek qyzmet kór­setý ǵana emes, ónerkásiptegi óń­­deýge, jalpy qoldanystaǵy tur­­mystyq taýarlar men azyq-tú­­lik óndirýge umtylystar da bar.

 

Názıra SYROVA

 

QOSTANAI

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar