20 Naýryz, 2020

Oqýshylar telearnalardan sabaq oqıdy

8438 retkórsetildi

Oqýshylardyń kóktemgi kanıkýly 5 sáýirde aıaqtalady. Odan keıin olar sabaqty qalaı oqıdy? Bul suraqqa Bilim jáne ǵylym mınıstri Ashat Aımaǵambetov jaýap berdi.  

– IýNESKO-nyń aqparatyna sáıkes, búgingi tańda 107 memlekette orta bilim beretin mektepter tolyq jabylǵan. Bul – 861 mıllıon oqýshy bilim alýyn toqtatty degen sóz. Buǵan qosa 12 eldiń keıbir qalalarynda orta bilim berý oshaqtary jumys istemeıdi. Osyǵan baılanysty birqatar memlekettiń aldynda atalǵan úderis saldaryn azaıtý jáne úzdiksiz bilim berýdi qamtamsyz etý úshin múmkindik jasaý mindeti tur. Otandyq bilim berý júıesi úshin de qashyqtan oqytý formatyna kóshý – úlken synaq, – dedi mınıstr óziniń feısbýktegi resmı paraqshasynda.

Vedomstvo basshysy qazirgi tańda bilim berýdiń ár deńgeıi úshin túrli oqytý júıeleri usynylyp jatqanyn jetkizdi. Bárimiz baǵamdaıtyndaı, sonyń ishinde eń mańyzysy – mektepter jaıy. Sebebi orta bilim berý júıesi kásiptik-tehnıkalyq nemese joǵary bilim berý salasyndaı emes, kúrdelirek. Iаǵnı orta bilim oshaqtary ǵana emes, qazir úıde jumys istep otyrǵan muǵalimder túgel ınternetke qoljetimdi emes. Onyń ústine ata-analar da balalaryn tegis tehnıkamen qamtamasyz etip otyr deı almaımyz. 

Osy atalǵan máseleni sheshý maqsatynda mınıstrlikte arnaıy jumys toby qurylǵan. Onyń quramyna qashyqtan bilim berý salasynda jumys isteıtin «Bilimland», «Daryn.online», «Kúndelik», «Univer», «Platonus», «EduPage», BIL, «BTS education», «U-study» ı «AGS» syndy uıymdardyń ókilderi jáne pedagogter, ádiskerler, mektep dırektorlary, dırektorlardyń oqý isi jónindegi orynbasarlary jáne JOO prorektorlary endi. Atalǵan top tapsyrmalar berýdi, olardyń oryndalýyn tekserýdi, baǵalaýdy jáne keri baılanysty, sondaı-aq  qajet bolǵan jaǵdaıda pedagogterdiń óz synybymen onlaın-talqylaý, baǵalaý boıynsha nemese beıne-strımıng servısterin paıdalana alýyn qamtamasyz etetin aqparattyq júıeler engizý mindetin qolǵa alǵan. 

Al ınternetke, qurylǵyǵa qoljetimdiligi joq oqýshylardy oqytý máselesin mınıstr spýtnıktik telearnalar arqylysheshý jumystarynyń ázirlenip jatqanyn jazdy. 

– Telearnalar arqyly sabaq ótkizýge daıyndalyp jatyrmyz. Onda beıne-sabaqtar sabaq kestesine saı kórsetiledi. Bul tetik – ásirese ınternet qýaty álsiz jáne qajetti qural-jabdyqtarǵa qatysty qıyndyqtary bar aýyldyq bilim berý uıymdary úshin ózekti.

Biz úshin barlyq sabaq orta bilim berýdiń memlekettik jalpyǵa mindetti standartyna saı oqý baǵdarlamasy boıynsha, sabaq kestesine saı, sıfrlyq bilim berý resýrstary boıynsha ádistemelik qoldaýmen jáne mýltımedıalyq materıaldarmen qamtamasyz etilip, ustazdar úshin aldyn ala ázirlengen jospar boıynsha júrgizilgeni mańyzdy. Bastysy, balalardyń bilim alýy sapaǵa áser etpeýi qajet, – dedi A.Aımaǵambetov.

 

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar