«Qazir osy kúrdeli ahýaldan shyǵý úshin Qazaqstanda barlyq qajetti resýrs bar, qor da jetkilikti. Bul – bizdiń «Aldymen ekonomıka, sosyn saıasat» qaǵıdatyna negizdelgen baǵyt-baǵdarymyzdyń naqty nátıjesiniń biri. Jańadan memleket qurý ońaı emes, al ony syn-qaterden qorǵaý jáne táýelsizdikti saqtap qalý odan da qıyn» dedi Elbasy.
Sonymen qatar Tuńǵysh Prezıdent bizde tájirıbe de, naqty is-áreket algorıtmi de bar ekenin málimdedi.
«Men ultty uıystyrýdyń, birlik pen qoǵamdaǵy kelisimniń mańyzdylyǵyn únemi aıtyp kelemin. Tutastyǵymyzdy taǵy bir ret dáleldeıtin kún týdy. Elimizdiń barlyq azamattaryn tózimdilik tanytýǵa, memleket qabyldap jatqan sharalardy qoldaýǵa shaqyramyn. Birlik barda alynbaıtyn asý joq» degen Nursultan Nazarbaev Qazaqstan halqyn alda kele jatqan Ulystyń uly kúni - Naýryz merekesimen quttyqtady.
«Kele jatqan Naýryz meıramy – bizdiń birligimizdiń nyshany. Shýaqty mereke qarsańynda árbir shańyraqqa shattyq pen ıgilik tileımin! Barlyq aýyrtpalyq bizdi aınalyp ótkeı.
Qazaqstan bul qıyndyqty da eńserip, damýdyń jańa kezeńine aıaq basady dep nyq senemin. Biz birgemiz!» dedi Elbasy.
